UNTABAN 32:1 - Tanou Moonsoi Timugon

¹ Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

UNTABAN 32:1 ပူးပေါင်းရင်းမြစ်များ

KASAUKAN 13:2

I Abram ti sangulun langkaya' kaga'. Mokoondo' io ra domba, kambing, sapi', pirok am niayuk mas.

KASAUKAN 13:5

I Lot pana mokoondo' ra sasambaloi galama', ulipon, domba, kambing am sapi'.

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 47:4

Minatong akai ragiti koson mayan ra pagun ti sabap ra bitilan giu' ra tana' ru Kanaan makalalaa' saboi kolondo' sakot ru limayak kotopon ru biniag maino. Malansan akai mangiou kou ramon mayan ra libung ru Gosyin.”

2 SAMUIL 24:5

Kopongo nakalaup ra Sungoi Jordan, i Joab am ulun-ulun nano nangkim giu' ra tampilon rabugus ru Aroir rondo' bandar giu' ra tatanga' ru limayak Gad. Intor ra giu' no minongoi ilo ra ralayo, minongoi ra Jaijir,

2 SAMUIL 24:6

am narayus minongoi ra Giliad am minongoi ra Kadis giu' ra wilayah ru ulun ru Git. Kopongo raginio minongoi ilo ra Dan, am intor ra Dan liminikou ilo minongoi ra tampilon kalasaan, minongoi ra bandar Saida.

1 TUNUNG RU BANSA' ISRAIL 4:41

Paat ra Raja' Gijkia intor ra Jiuda, papag ri Simion namulunsar ra Gidor. Linunsai nilo kim-kim am kalukub-kalukub ondo' inayanan ru ulun ra giu' no. Pinagiru' nilo mamagun ra giu' no, am pamagun ilo ra giu' no sabap ra padang ru sakot ra giu' no malangka' tayar ra domba nilo.

KAINGKUALAN 12:38

Nagibit ilo masuang sapi', domba am kambing. Masuang ulun bansa' ru bokon niayuk minaya' risilo.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 48:32

Tangiin Ku mulu' poyo ra mamagun ru Sibma intor ra mamagun ru Jaijir. Okou bandar Sibma, okou koson ra puun ru anggur ondo' bulisang nano luminungkaap suku' ra sandaup ru Raat Matoi, koson ra galur ru bandar Jaijir. Kaa' raino kinawa' ru bulintok malasu' muno am kawa' ru anggur muno pinuso noyo.

JIRIMIA 50:19

Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

UNTABAN 21:32

Nanusub i Musa ra ulun maguyum ra ralan ondo' moonsoi kaga' koson mamulunsar ra bandar Jaijir. Ginaau ru ulun ru Israil bandar no am niayuk pekan-pekan giu' ra libung no am napagiru' ra ulun ru Amori ondo' minayan ra giu' no.

UNTABAN 32:2

minongoi ilo uma' ri Musa, i Iliajar am tingganai-tingganai ru Israil ra bokon. Indagu bansa' ru Rubin am bansa' ru Gad,

UNTABAN 32:26

Anak andu' maino am niayuk sapi' am domba maino paayanon ragiti, ra bandar-bandar Giliad ti.

UNTABAN 32:3

“Bandar-bandar ondo' inayanan ru ulun takau ra indangan ru Tuhan, moonsoi kaga' ra panambiagan, iono bandar Atarot, Dibon, Jaijir, Nimra, Gisybon, Iliali, Sibam, Nibo am Bion. Sabap ra masuang toojo bibiag tinambiag maino,

UNTABAN 32:35

Atarot-Sopan, Jaijir, Jogbiga,

SAGULION 33:21

Mangalap ilo ra tana' ondo' moonsoi kaga' ra tayar nilo galama'. Makaalap ilo ra tayar ru sangulun tingganai. Gumagaya' ilo ra susuban am ukum ru Tuhan, paat ra tingganai-tingganai ru Israil mabaya' tumimung.”

JOSUA 13:25

Wilayah nilo nakasimpung Jaijir, ngaangai' bandar Giliad, sampiruo intor ra tana' Amon saboi ra Aroir giu' ra tampilon sirangon Raba.

JOSUA 22:13

Ulun ru Israil pana nanusub ri Pinigas anak ru Imam Iliajar mongoi ra bansa' ru Rubin, Gad am Manasi Sirangon giu' ra libung Giliad.

JOSUA 22:9

Ginio ra ulun intor ra bansa' ru Rubin, Gad am Manasi Sirangon minuli'. Iniruanan nilo ulun ru Israil ra bokon giu' ra Silo, giu' ra tana' ru Kanaan, am minongoi ilo ra Giliad, giu' ra tana' longgom nilo galama', ondo' inapu nilo sumugut ra susuban ru Tuhan ondo' pinabala' galing ri Musa.

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.

TINGGANAI RU BANSA' 5:16

Kua kia kalo masaga' ilo maya', am mayan ra domba? Koson rumongog kia ra magagalung mampiau ra domba? Sotopot no bansa' ru Rubin natatayar, kalo naaru'-aru' ilo koson matong.