UNTABAN 31:8 - Tanou Moonsoi Timugon

⁸ nakaaya' limo ngaulun raja' ru Midian: I Iwi, i Rikim, i Jur, i Gur am i Riba. Namatoi ilo niayuk ri Biliam anak ri Bior.

UNTABAN 31:8 ပူးပေါင်းရင်းမြစ်များ

MAZMUR 10:2

Limbau ru ulun malaat mangimpai ra ulun musikin; polosoo' ilo majaling ru paninigot nilo galama'.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

AMSAL 11:3

Ulun moonsoi inaak ru kabanisan ru guang nano. Ulun ra kalo maintopot usungon ru kalaatan ru guang nano.

AMSAL 13:17

Ulun sinusub ra kolondo' guang maparatong ra kapaganan, kaa' ulun sinusub ra maintopot maparatong ra kaansayan.

ABAKUK 3:7

Nakito ku ulun ru Kusian malaa', am ulun ru Midian monontol.

UNTABAN 22:10

Taam i Biliam, “Sinusub ilo ru Raja' Balak intor ra tana' Moab koson mambala' raki'

UNTABAN 22:4

Indagu ulun ru Moab ra tingganai-tingganai ru ulun ru Midian, “Sampulalai ondo' maayo ti mangai' mataki' ra ngaangai' ondo' giu' ra libung takau, koson ra sapi' mangai' ra sakot giu' ra padang.” Ginio ra Raja' Balak no

UNTABAN 22:5

nanusub ra ulun koson mampiau ri Biliam anak ri Bior, ondo' paat raginio minayan giu' ra Pitor mamaar ra Sungoi Iprat, giu' ra tana' Amau. Sinusub ilo nampasaboi ra bilin ri Balak ti ri Biliam, “Rondo' bansa' nakaratong noyo intor ra Misir, am raino ulun raginio soroi ra ngaangai' intok am niayuk mampajajou koson mampagaau ra tana' maiti.

UNTABAN 23:10

Papag ru Israil koson ra kaau kalo mauntob; masuang ilo kaga'. Gama' ru pupus ru bayag kuno koson ra pupus ru bayag ru sangulun ra ulun ri Aki Kapuuno'; Gama' ru matoi aku ra mamimio koson ra ulun mabanis guang.”

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

UNTABAN 24:25

I Biliam pana timinampos koson muli' ra intok inayanan nano, am Raja' Balak pana minugar.

UNTABAN 25:15

Inggalan ru ruandu' no iono i Kojbi. I Jur, ama' ru ruandu' no, iono tingganai ru santimungan bansa' ru ulun ru Midian.

UNTABAN 25:18

sabap ra kalaatan ondo' binaal nilo ramuyun paat ra ilo namparuung ramuyun giu' ra Pior, am niayuk sabap i Kojbi ondo' pinatoi giu' ra Pior paat ra maruol tumapik nasauk.”

UNTABAN 31:16

Karaa' noyo ra ruandu' noyo ondo' minaya' ra bilin ri Biliam saboi nangkinibit ra ulun ru Israil kalo giminagaya' ra Tuhan giu' ra Pior. Baal raginio noyo naparatong ra maruol tumapik ra ulun ru Tuhan.

UNTABAN 31:9

Namparakop ulun ru Israil ra ngaangai' ruandu' am anak ru ulun ru Midian, nampagaau ra tinambiag ra sapi' am domba, am niayuk ngaangai' kalangkayaan ru ulun Midian.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.