UNTABAN 31:28 - Tanou Moonsoi Timugon

²⁸ Intor ra tayar ondo' tinaakan ra saujor, alapo' noyo sangulun rinakop intor ra moonong 500 ngaulun rinakop, am pataako' noyo ilo Raki', Tuhan, koson ra taak indangan ra luntukon. Baalo' koson raginio niayuk ra sapi', kaladai, domba am kambing.

UNTABAN 31:28 ပူးပေါင်းရင်းမြစ်များ

UNTABAN 18:26

mapasaboi ra susuban ti ra ulun ru Liwi, “Paat ra akau mangapu sampiopor intor ra ulun ru Israil, ondo' pataakon ru Tuhan ra longgom min, musiti' kau mapataak ra sampiopor intor raginio ra Tuhan ra indangan luntukon.

UNTABAN 31:47

Intor ra tayar ragitio, nangalap i Musa rondo' intor ra moonong 50 ngaulun rinakop am bibiag tinambiag, am pinataak ngaangai' no ra ulun ru Liwi ondo' nangandoi ra Kim ru Tuhan, koson ra nanusuban ru Tuhan.

UNTABAN 31:30

Intor ra tayar ondo' pinataak ra ulun ru Israil ra bokon, alapo' sangulun rinakop intor ra moonong 50 ngaulun rinakop. Koson niayuk ra sapi', kaladai, domba am kambing. Pataako' noyo ngaangai' no ra ulun ru Liwi ondo' manalingapu ra Kim Kuno.”

MATIUS 22:21

Taam ilo, “I Kaisar.” Indagu i Jisus risilo, “Amon ru koson raginio, pasagulio' ra Kaisar ondo' longgom nano am pasagulio' niayuk ri Aki Kapuuno' ondo' longgom Nano.”

JISAYA 60:9

Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

JOSUA 6:24

Bagu solobo' nilo bandar no am ngaangai' ondo' soroi ra giu' no saboi mapuso, ondo' ayuk am kuliamos ondo' binaal intor ra mas, pirok, gangsa' am basi'. Nangalap ilo ngaangai' ra kuliamos raginio am inibit ra intok pambulian ra rapu' ru Tuhan.

JOSUA 6:19

Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”

UNTABAN 18:21

Indagu Tuhan, “Ngaangai' sampiopor ondo' pataakon ru ulun ru Israil Raki' pataakon Ku ra ulun ru Liwi. Ginio noyo bayaran ru kandoi nilo giu' ra Kim Kuno.

KASAUKAN 14:20

Koompor noyo i Aki Kapuuno' Ondo' Masawat Kaga' no, ondo' nanaak rirun ra kamanangan intor ra pantula'-pantula' muno.” Tayari' boo ri Abram i Milkisidik sampiopor intor ra ngaangai' kuliamos ra inalap am inibit nali saguli'.

UNTABAN 31:29

Pataako' noyo ngaangai' no ra Imam Iliajar koson ra taak indangan ra luntukon Raki' Tuhan.

JOSUA 9:27

Kaa' i Josua nampasauk ra ulun ru Gibion ra uliponon. Musiti' ilo mangapak ra luton am mansagou ra timug tayar ru ulun ru Israil am tayar altar ru Tuhan. Saboi ra orou raiti' lakat poyo ilo mambaal ra kandoi no giu' intok ondo' pinili' ru Tuhan koson intok sumambayang Riso.

2 TUNUNG RU BANSA' ISRAIL 15:11

Paat ra orou raginio nampataak ilo ra 700 ngainan sapi' am 7,000 ngainan domba koson ra taak simbalui ra Tuhan; ngaangai' no ampos ru ginaau.