UNTABAN 31:15 - Tanou Moonsoi Timugon

¹⁵ Nangkuot io risilo, “Kua kalo pinatoi min ngaangai' ruandu' ti?

UNTABAN 31:15 ပူးပေါင်းရင်းမြစ်များ

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”

JIRIMIA 48:10

Ulaso' noyo ulun ondo' kalo mambaal ra kandoi ru Tuhan ra sotopot ru guang! Ulaso' noyo ulun ondo' kalo mamutus ra ilang am mampatoi!

SAGULION 2:34

Paat raginio niayuk ginaau am linunsai takau moonong bandar, am namatoi ra moonong ungkuyon, ruandu' am niayuk lalaing. Kalo nompoloso takau ra sangulun pana maayag.

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

JOSUA 11:14

Ulun Israil nangalap ra ngaangai' rapu' am bibiag tinambiag intor ra bandar-bandar, kaa' namatoi ilo ra ngaangai' mamagun no. Kolondo' sangulun pana pinoloso naayag.

JOSUA 10:40

Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 8:25

Narayus i Josua napatulu' ra tutura' nano tampilon ra Ai am kalo pinatuun kalindu' nano saboi ngaangai' ulun giu' ra bandar no pinatoi. Ngaangai' mamagun ru Ai pinatoi paat orou raginio; suang ru ngaangai' no 12,000 ngaulun ungkuyon am ruandu'.

JOSUA 6:21

Ra ilang, namatoi ilo ra moonong ulun ralalom ru bandar no, ungkuyon am ruandu', ondo' mamulok am ondo' matutuo. Namatoi ilo niayuk ra sapi', domba am kaladai.

SAGULION 20:13

Kopongo raginio paat ra Tuhan i Aki Kapuuno' min mangiou ramuyun mampagaau ra bandar no, potoyo' noyo ngaangai' ungkuyon ra giu' no.

UNTABAN 31:14

Siminangit i Musa ra tingganai-tingganai ru saujor am komandan ru pulalai no ondo' bagu minuli' intor ra pangayawan.

SAGULION 20:14

Iowon kau mangalap ra ruandu'-ruandu', lalaing-lalaing, bibiag tinambiag am ngaangai' ondo' soroi ra ralalom ru bandar no. Iowon kau mamakai ra ngaangai' rapu' ru pantula' min. Nanaak noyo Tuhan ra ngaangai' no ramuyun.