UNTABAN 30:2 - Tanou Moonsoi Timugon

² Paat ra sangulun ungkuyon mokogogoton koson manaak ra rorondo' ra Tuhan kapoam magibot ra kalo mambaal ra rorondo' baal, kalo makalungkang io ra bantu' nano. Musiti' io mambaal ra ngaangai' ondo' rinagu nano.

UNTABAN 30:2 ပူးပေါင်းရင်းမြစ်များ

AYUP 22:27

Paat ra okou makiasi', tumaam Io, am masugut mu ngaangai' bantu' muno.

MAZMUR 116:14

Giu' ra saang ru ngaangai' ru ulun Nano, suguton ku bantu' kuno Riso.

MAZMUR 116:18

Suguton ku bantu' kuno ra Tuhan ra saang ru ngaangai' ru ulun Nano,

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 15:3

ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

MAZMUR 22:25

Kalo asabin No ulun ra inimpayan kapoam mampalilian ra imbolo' nilono; kalo minggalur Io intor risilo, kaa' mangining Io risilo paat makiindangan Riso.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 55:20

Pamarintaan ri Aki Kapuuno' mantilayun, mangkirongog raki' am kalaan No pantula' kuno, sabap ra kalo boo kulawon nilo guang, am kalo malaa' ri Aki Kapuuno'.

MAZMUR 56:12

Mangintopot aku Riso am kalo malaa' aku. Atan kia maalap kabaal ru ulun no raki'?

MAZMUR 76:11

Sangitan ru ulun mangkinibit ayuk ra pangamparan maayo poyo koson Rirun. Ilo ondo' naayag intor ra pangayawan mambaal ra pangiantakan Muno.

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

AMSAL 20:25

Karaa' noyo toojo ra kalo poyo mangiou kau ra bantu' ri Aki Kapuuno' ra taak simbalui maa' raginio kalo pansagulian guang min.

IMAMAT 5:4

Amon ru magibot sasangulun ra bonyowon koson mambaal ra atan ayuk, makasala io ra natutunan no ayuk binaal nano.

NAGUM 1:15

Ilai', sangulun sinusub matong mansail ra gunung-gunung koson mampasaboi ra tanou moonsoi. Matong io koson mampatanou ra kamanangan! Mamagun kau ngai' ru Jiuda, pangiantak kano ra pangiantakan min am suguto' noyo nazar ondo' binantu' min ri Aki Kapuuno'. Ulun malaat totopot kalo boo mamulunsar ra pagun min. Pinuso ilo noyo ra malingon.

UNTABAN 21:2

Ulun ru Israil pana mokoondo' ra nazar ra Tuhan. Indagu ilo, “Iou Tuhan, amon ru mangiou Kou ramon mangala ra mamagun ru pagun ragitio, luuson mai bandar-bandar nilo am niayuk mamagun ru bandar, koson ra tatandu' ru ngaangai' no Okou tatangan.”

UNTABAN 30:10

Amon ru sangulun ruandu' ondo' nangindalaki noyo mokoondo' ra nazar kapoam nambantu' ra kalo mambaal ra rorondo' baal,

UNTABAN 32:24

Ongoi kano pambaal ra bandar mino am kandang ru domba mino, kaa' suguto' noyo bantu' mino!”

MATIUS 23:16

“Aibui boo ramuyun, tingganai ondo' nobolou! Mangila' kau ra: ‘Amon ru sasangulun magibot am alapon no Baloi Tuhan no ra sasi' nano, ulun no kalo nogonggom ru ibot nano. Kaa' amon ru magibot io am alapon no mas ralalom Baloi Tuhan no ra sasi' nano, io nogonggom ru ibot nano!’

MATIUS 23:18

Mangila' kau ra: ‘Amon ru sasangulun magibot am alapon no altar ra sasi' nano, ulun no kalo nogonggom ru ibot nano.’

RINALATAN 23:12

Nokorondom io ra suabon no, naguguum ulun ru Jaudi. Nagigibot ilo ra kalo mangakan am manginum amon ru kalo poyo mapatoi nilo galing i Paulus.

RINALATAN 23:14

Ongoi ilo boo tuum ra tingganai imam am poyo tingganai ru ulun ru Jaudi, am indagu, “Akai ngaangai' nagibot kalo mangakan am manginum ra atan ayuk, amon ru kalo mapatoi mai galing i Paulus.

RINALATAN 23:21

Kaa' pai' gagayaa' kitaakon nilono, sabap ra mokoondo' olo'-olo' apat ngoopor ngaulun nansibuni koson magawang riso. Nagigibot ilo no ngaangai' ra kalo mangakan am manginum amon ru kalo poyo mapatoi nilo galing i Paulus. Raino, nakatampos ilo noyo, maginaa ayuk boo ra pangiawan muno.”

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

TINGGANAI RU BANSA' 11:11

Ginio ra minugar i Jipta nabaya' ra tingganai-tingganai ru Giliad. Io pana nasauk ra mangnguasa' am panglima. Pinabala' ri Jipta kitaak-kitaak nano ra saang ru Tuhan giu' ra Mijpa.

TINGGANAI RU BANSA' 11:39

Kopongo ruo ngansila', saguli' io ra ama' nano, am baalo' ru ama' nano atan ondo' binantu' no ra Tuhan. Ginio ra anak ruandu' nano minatoi paat lakat poyo ralaa. Ginio puun ru kaulayan giu' ra Israil, ra