UNTABAN 3:8 - Tanou Moonsoi Timugon

⁸ Pinaalungan risilo ngaangai' kuliamos ru Kim Kuno am mapaugar ra kandoi ra tayar ru ngaangai' ulun ru Israil.

UNTABAN 3:8 ပူးပေါင်းရင်းမြစ်များ

1 TUNUNG RU BANSA' ISRAIL 23:27

Sumugut ra susuban pupus intor ra Raja' Daut, ngaangai' ulun ru Liwi musiti' tulisin inggalan koson mangandoi paat umur no ruo ngoopor ngambilor.

2 TUNUNG RU BANSA' ISRAIL 29:11

Akau anak ku ngaangai', pai' no kalibut. Akau no ondo' pinili' ru Tuhan koson monolob ra kaminyan Riso, am niayuk maningganai ra mamagun koson sumamba Riso.”

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

UNTABAN 10:17

Rinulun boo Kim ru Tuhan no; am bansa' ru Girson am Mirari ondo' nagibit ra Kim no boo minugar.

UNTABAN 10:21

Bansa' ru Kigat boo ondo' namikul ra kuliamos mangapasau no minugar. Paat ra ilo nakasaboi giu' ra intok pangkiman bagu, natirong noyo Kim ru Tuhan.

UNTABAN 3:7

Mangandoi ilo ra Kim Kuno, am mapaugar ra kandoi ra tayar ru imam-imam am niayuk ra ngaangai' ulun ru Israil.

UNTABAN 3:9

Rorondo' kandoi ru ulun ru Liwi iono mangindangan ri Arun am papag nano.

UNTABAN 31:30

Intor ra tayar ondo' pinataak ra ulun ru Israil ra bokon, alapo' sangulun rinakop intor ra moonong 50 ngaulun rinakop. Koson niayuk ra sapi', kaladai, domba am kambing. Pataako' noyo ngaangai' no ra ulun ru Liwi ondo' manalingapu ra Kim Kuno.”

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:28

Ginio noyo kandoi ru bansa' ru Girson giu' ra Kim ru Tuhan. Musiti' nilo baalon ginio ra tainuin ri Itamar anak ri Imam Arun.

UNTABAN 4:33

Ginio noyo kandoi ru bansa' ru Mirari giu' ra Kim ru Tuhan. Musiti' nilo baalon ngaangai' kandoi raginio ra tainuin ri Itamar anak ri Imam Arun.