UNTABAN 29:29 - Tanou Moonsoi Timugon

²⁹ Paat ra orou ra koonom, pataako' noyo balu' ngainan sapi' gawayan mamulok, ruo ngainan domba gawayan, am mopor am apat ngainan anak domba gawayan ondo' umur no sambilor. Ngaangai' no kalo najamaran.

UNTABAN 29:29 ပူးပေါင်းရင်းမြစ်များ

UNTABAN 29:30

Pataako' noyo taak-taak raginio pabayaan ra ngaangai' taak simbalui ra bokon ondo' inaru' ra tayar ru orou ra kasaa'.

2 TUNUNG RU BANSA' ISRAIL 31:3

Intor ra bibiag tinambiag nano galama', Raja' Gijkia nangani' ra bibiag ondo' makapakuan ra tayar ru taak simbalui koson mapabansuk ra guang ru Tuhan ondo' pinataak paat ra moonong susuab ti am mamai' ti, paat ra orou Sabat, Pangiantakan ra Sila' Bagu, am niayuk paat ra pangiantakan-pangiantakan ra bokon ondo' inaru' giu' ra ralalom ru Ukum ru Tuhan.

YEHEZKIEL 45:17

Kaa' paat ra pangiantakan ra sila' bagu, am orou Sabat, am orou pangiantakan ra bokon, ulun manguasa' lansanin manampos ra bibiag koson pataakon koson ra taak simbalui, am niayuk taak simbalui koson paringkuanangan Raki'; am niayuk taak simbalui wain ra tayar ru ngaangai' bansa' ru Israil. Io no lansanin manampos ra taak simbalui koson mangampun ra tula, taak simbalui koson paringkuanangan Raki', taak simbalui koson mapabansuk ra guang Kuno, am taak simbalui koson makibarakat Raki'. Aku pana mangampun boo ra tula ru ulun ru Israil.”