UNTABAN 29:12 - Tanou Moonsoi Timugon

¹² Paat ra orou koopor am limo sila' katulu', akau musiti' tumimung ra sumambayang am pai' pangandoi. Akau musiti' mangiantak ra pangiantakan raginio buoi katuluan koson mangurumat ra Tuhan.

UNTABAN 29:12 ပူးပေါင်းရင်းမြစ်များ

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

YEHEZKIEL 45:25

“Tayar ru Pangiantakan Mangkalukub ra Raun, ondo' tumalimpuun paat ra orou koopor am limo, sila' katulu', paat ra moonong orou buoi tulu' ngoorou no, ulun manguasa' musiti' mampataak ra taak simbalui ra nogondo', iono taak simbalui koson mangampun ra tula, taak simbalui koson mapabansuk ra guang ru Tuhan, am taak simbalui koson paringkuanangan ra Tuhan, am niayuk umau jaitun.”

NIGIMIA 8:18

Moonong orou, intor ra orou kasaa' ru pangiantakan no saboi ra orou pupus, nambasa' i Ijra ra santayaran intor ra Taurat ri Aki Kapuuno' risilo. Nangiantak ilo ra pangiantakan no buoi tulu' ngoorou, am paat ra orou kabalu' nambaal ilo ra upacara kaampusan sumugut ra aturan ru Taurat.

NIGIMIA 8:14

Nakito nilo ra ralalom ru Taurat ondo' tinaakan ru Tuhan ondo' pinabala' galing ri Musa, nanusub Tuhan ra ulun ru Israil mayan giu' ra kalukub-kalukub, paat ra ilo mangiantak ra Pangiantakan Mangkalukub ra Raun.

KAINGKUALAN 34:22

“Iantakon Pangiantakan Mangkumos paat ra akau tumalimpuun mangkumos ra ampos kasaa' ru gandum min. Antakon niayuk Pangiantakan Mangkalukub ra Raun bulintok raun matutu', paat ra akau mangupu ra kikinawa'.

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

UNTABAN 29:1

Paat ra orou kasaa' ra sila' katulu', akau musiti' tumimung ra sumambayang; pai' noyo pangandoi ra maagat. Paat ra orou raginio bujung-bujung musiti' samputin.

UNTABAN 29:13

Paat ra orou ra kasaa' no, pataako' noyo taak simbalui koson mapabansuk ra guang ru Tuhan. Taak simbalui raginio iono mopor am talu ngainan sapi' gawayan, ruo ngainan domba gawayan am mopor am apat ngainan anak domba gawayan ondo' umur no sambilor. Ngaangai' no kalo najamaran. Owou ru taak akanon no mapabansuk ra guang ru Tuhan.

1 RAJA'-RAJA' 12:32

Raja' Jirobiam niayuk namuun ra rondo' pangiantakan ru ugama paat ra orou koopor am limo ra sila' kabalu', koson ra pangiantakan giu' ra Jiuda. Giu' ra rasawat ru altar ra Bitil, nampataak io ra taak ra ngaangai' sinungkalalaing ru sapi' mas ondo' binaal nano. Raja' Jirobiam nampaayan ra imam-imam giu' ra Bitil, iono imam-imam ondo' mangandoi ra intok-intok sambayangan ondo' binaal nano.

IJRA 3:4

Mangiantak ilo niayuk ra Pangiantakan Mangkalukub ra Raun sumugut ra aturan ondo' inaru' noyo; moonong orou mampataak ilo ra taak simbalui ondo' inaru' noyo tayar ru orou raginio.

IMAMAT 23:7

Paat ra orou kasaa' ru pangiantakan no, musiti' kau tumimung ra sumambayang, am pai' baalo' kandoi moonong orou.

UNTABAN 29:35

Paat ra orou ra kabalu', akau musiti' tumimung ra sumambayang am pai' pangandoi ra maagat.