UNTABAN 29:1 - Tanou Moonsoi Timugon

¹ Paat ra orou kasaa' ra sila' katulu', akau musiti' tumimung ra sumambayang; pai' noyo pangandoi ra maagat. Paat ra orou raginio bujung-bujung musiti' samputin.

UNTABAN 29:1 ပူးပေါင်းရင်းမြစ်များ

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

IJRA 3:6

Kabalu' pana mamagun kalo poyo timinalimpuun mambaal saguli' ra Baloi ru Tuhan, timinalimpuun ilo noyo monolob ra taak simbalui tayar ra Tuhan paat ra orou kasaa' ru sila' katulu'.

NIGIMIA 7:73

Imam-imam, ulun-ulun ru Liwi, ulun magalung ra kulobon garabang ru Baloi ru Tuhan, ulun-ulun maririmbai am masuang intor ra mamagun toojo, ulun-ulun mangngandoi ra Baloi ru Tuhan, ontoson ragu ngaangai' ulun ru Israil, namagun giu' ra ngaangai' pekan am giu' ra bandar-bandar ru Jiuda.

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

MAZMUR 89:15

Pamarintaan Muno sumugut ra ukum am katimpakan; togom am gagaya' soroi ra nansalinut binaal Muno.

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 34:22

“Iantakon Pangiantakan Mangkumos paat ra akau tumalimpuun mangkumos ra ampos kasaa' ru gandum min. Antakon niayuk Pangiantakan Mangkalukub ra Raun bulintok raun matutu', paat ra akau mangupu ra kikinawa'.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

IMAMAT 23:23

Musiti' orou kasaa' ra sila' katulu' iantakon koson ra orou ondo' timpokon ra tangusan. Paat samputin bujung ra orou raginio, musiti' tumimung kau sumambayang.

IMAMAT 23:7

Paat ra orou kasaa' ru pangiantakan no, musiti' kau tumimung ra sumambayang, am pai' baalo' kandoi moonong orou.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

UNTABAN 28:26

Paat ra orou kasaa' ru Pangiantakan Napangaan Nangkumos, paat ra akau mapataak ra Tuhan ra gandum ondo' bagu, akau musiti' tumimung koson sumambayang; pai' pangandoi ra maagat.

UNTABAN 29:12

Paat ra orou koopor am limo sila' katulu', akau musiti' tumimung ra sumambayang am pai' pangandoi. Akau musiti' mangiantak ra pangiantakan raginio buoi katuluan koson mangurumat ra Tuhan.

UNTABAN 29:2

Papataak ra taak simbalui koson mapabansuk ra guang ru Tuhan. Taak simbalui no iono sanginan sapi' gawayan mamulok, sanginan domba gawayan am tulu' ngainan domba gawayan ondo' umur no sambilor. Ngaangai' no kalo najamaran. Owou ru lisun ru taak simbalui no mapabansuk ra guang ru Tuhan.

UNTABAN 29:35

Paat ra orou ra kabalu', akau musiti' tumimung ra sumambayang am pai' pangandoi ra maagat.