UNTABAN 28:6 - Tanou Moonsoi Timugon

⁶ Gitio noyo taak simbalui moonong orou ondo' solobon ngaangai' no, ondo' kasaa' pinataak giu' ra Gunung Sinai, tayar ru taak akanon; owou no mapabansuk ra guang ru Tuhan.

UNTABAN 28:6 ပူးပေါင်းရင်းမြစ်များ

2 TUNUNG RU BANSA' ISRAIL 2:4

Masaga' aku mambaal ra rondo' baloi sambayangan koson mangurumat ra Tuhan, i Aki Kapuuno' kuno. Baloi no masauk ra intok matulai, intok ru mamagun am aku galama' sumamba ra Tuhan am monolob ra kaminyan ondo' maamis owou; giu' no aku am mamagun kuno magail mampataak ra ruti' ondo' mapasau am niayuk taak simbalui koson mapabansuk ra guang ru Tuhan ra moonong susuab ti am mai' ti, paat ra orou-orou Sabat, paat ra pangiantakan ru Sila' Bagu, am paat ra pangiantakan ra bokon no. Aku am mamagun kuno masaga' mangurumat ra Tuhan, i Aki Kapuuno' mai. Namarinta Io ra ulun ru Israil am nambaal raginio ra sabubuoi no.

2 TUNUNG RU BANSA' ISRAIL 31:3

Intor ra bibiag tinambiag nano galama', Raja' Gijkia nangani' ra bibiag ondo' makapakuan ra tayar ru taak simbalui koson mapabansuk ra guang ru Tuhan ondo' pinataak paat ra moonong susuab ti am mamai' ti, paat ra orou Sabat, Pangiantakan ra Sila' Bagu, am niayuk paat ra pangiantakan-pangiantakan ra bokon ondo' inaru' giu' ra ralalom ru Ukum ru Tuhan.

IJRA 3:4

Mangiantak ilo niayuk ra Pangiantakan Mangkalukub ra Raun sumugut ra aturan ondo' inaru' noyo; moonong orou mampataak ilo ra taak simbalui ondo' inaru' noyo tayar ru orou raginio.

MAZMUR 50:8

Kalo sonsolon Takamin sabap ra taak mino, am taak ra sinimbalui koson mapabansuk ra guang Kuno ondo' masalok pataakon min.

KAINGKUALAN 24:18

Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

YEHEZKIEL 46:14

Moonong susuab ti musiti' pataakon niayuk 2 ngakilogram unor-unor am 1 ngalito umau jaitun koson polotokon ra unor-unor no. Aturan ti musiti' gagayaan ra sabubuoi no.

YEHEZKIEL 46:15

Anak domba, unor-unor am umau jaitun no musiti' pataakon ra Tuhan ra moonong susuab ti koson ra sabubuoi no.”

IMAMAT 27:34

Ginilo noyo susuban ondo' pinataak ru Tuhan ri Musa giu' ra tampak ru Gunung Sinai tayar ru ulun ru Israil.

IMAMAT 6:9

maa' raginio manaak ri Arun am anak-anak nano ra aturan ragitio intor ra taak simbalui koson mapabansuk ra guang ru Tuhan. Taak raginio musiti' patatangon ra rasawat ru altar buoi sorondom, am apui no musiti' marayus ayuk mapaang.

AMOS 5:25

Akau ulun ru Israil, paat ra Aku naningganai ramuyun nansail ra tana' kaagisan buoi apat ngoopor ngambilor, kalo nansika' Aku ra taak am taak simbalui intor ramuyun.

UNTABAN 28:5

moonong taak simbalui no musiti' pabayaan ra sakilogram tapung moonsoi kaga' latakin ra salito umau jaitun ondo' moonsoi kaga'.

UNTABAN 28:7

Pabayaan ra anak domba no musiti' pataakon niayuk salito wain koson taak simbalui pasasaron, ondo' pasasaron ra rasawat ru altar.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.