UNTABAN 28:26 - Tanou Moonsoi Timugon

²⁶ Paat ra orou kasaa' ru Pangiantakan Napangaan Nangkumos, paat ra akau mapataak ra Tuhan ra gandum ondo' bagu, akau musiti' tumimung koson sumambayang; pai' pangandoi ra maagat.

UNTABAN 28:26 ပူးပေါင်းရင်းမြစ်များ

KAINGKUALAN 12:16

Paat ra orou kasaa', am igondo' poyo paat ra orou katulu', musiti' kau tumimung koson sumambayang. Paat ra orou-orou raginio kalo pongondoyon kau ra atan pana, kaa' akanon matampos min.

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 34:22

“Iantakon Pangiantakan Mangkumos paat ra akau tumalimpuun mangkumos ra ampos kasaa' ru gandum min. Antakon niayuk Pangiantakan Mangkalukub ra Raun bulintok raun matutu', paat ra akau mangupu ra kikinawa'.

IMAMAT 23:8

Buoi katuluan, musiti' kau mapataak ra taak akanon ra Tuhan. Paat ra orou katulu', igondo' poyo musiti' kau tumimung ra sumambayang, am pai' baalo' kandoi moonong orou.

UNTABAN 28:18

Paat ra orou kasaa' ru pangiantakan no, akau musiti' tumimung am sumambayang; pai' pangandoi ra maagat.

UNTABAN 28:27

Papataak ra taak simbalui koson mapabansuk ra guang ru Tuhan, iono ruo ngainan sapi' gawayan mamulok, sanginan domba gawayan, am tulu' ngainan domba gawayan ondo' umur no sambilor. Ngaangai' no kalo najamaran. Owou ru taak simbalui no mapabansuk ra guang ru Tuhan.

UNTABAN 29:1

Paat ra orou kasaa' ra sila' katulu', akau musiti' tumimung ra sumambayang; pai' noyo pangandoi ra maagat. Paat ra orou raginio bujung-bujung musiti' samputin.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.