UNTABAN 28:14 - Tanou Moonsoi Timugon

¹⁴ Mabaya' ra taak simbalui no musiti' pataakon niayuk taak simbalui wain, suang no ruo ngalito ra tayar ru moonong sapi' gawayan, salito am maintanga' ra tayar ru moonong sanginan domba gawayan, am salito tayar ru moonong sanginan anak domba. Ginio noyo aturan intor ra taak simbalui koson mapabansuk ra guang ru Tuhan, ondo' moonsoi pataakon paat ra orou kasaa' ra moonong sila' ralalom sambilor.

UNTABAN 28:14 ပူးပေါင်းရင်းမြစ်များ

UNTABAN 28:13

am sakilogram tapung moonsoi kaga' ra tayar ru moonong anak domba. Taak-taak simbalui raginio koson mapabansuk ra guang ru Tuhan iono taak akanon, ondo' owou no mapabansuk ra guang ru Tuhan.

UNTABAN 28:15

Liliwa' taak simbalui ra moonong orou pabayaan ra taak simbalui wain, pataako' niayuk sanginan kambing gawayan ra tayar ru taak simbalui mangampun ra tula.

UNTABAN 15:9

musiti' pataakon niayuk talu ngakilogram tapung linatakan ra ruo ngalito umau jaitun tayar ru taak simbalui koson paringkuanangan,

UNTABAN 28:7

Pabayaan ra anak domba no musiti' pataakon niayuk salito wain koson taak simbalui pasasaron, ondo' pasasaron ra rasawat ru altar.

UNTABAN 29:18

Pataako' noyo taak-taak simbalui raginio pabayaan ra ngaangai' taak simbalui ra bokon ondo' inaru' ra tayar ru orou ra kasaa'.

IJRA 3:5

Suai raginio, inaru' nilo noyo mampataak ra taak simbalui koson mapabansuk ra guang ru Tuhan am niayuk taak simbalui ondo' pataakon paat ra Pangiantakan Sila' Bagu, am paat ra ngaangai' pangiantakan ra bokon ondo' paugaron koson sumamba ra Tuhan. Ilo niayuk mampataak ra taak ayuk toojo ra Tuhan.

JISAYA 1:13

Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

JIRIMIA 48:35

Polonggoon Ku mamagun ru Moab intor ra monolob ra taak simbalui giu' ra intok-intok sambaan nilo, am mopolonggo' risilo mampataak ra taak simbalui ra dewa-dewa nilo. Aku, Tuhan, nakaindagu noyo.

YEHEZKIEL 46:4

Paat ra orou Sabat, ulun manguasa' musiti' mampataak ra taak simbalui ra Tuhan, iono taak simbalui koson mapabansuk ra guang ru Tuhan ondo' ginilo intor ra onom ngainan anak domba am sanginan domba gawayan. Ngaangai' no kalo najamaran.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.