UNTABAN 27:21 - Tanou Moonsoi Timugon

²¹ I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

UNTABAN 27:21 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

NIGIMIA 7:65

Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

KAINGKUALAN 28:30

Pabulio' Urim am Tumim ralalom ru utau no maa' raginio maibit ri Arun paat ra io matong ra saang Kuno ondo' matulai. Paat ra koson raginio musiti' io magail magutau raginio koson makapandai ra kasagaan Kuno ra ulun ru Israil.”

IMAMAT 8:8

Pautawo' niayuk ri Musa utau no ri Arun am pasuango' Urim am Tumim ralalom ru utau no.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

UNTABAN 27:17

sangulun ondo' makapaningganai risilo paat mangayou. Pai' polosoo' ulun Muno masauk ra pulalai ru domba ondo' kolondo' magagalung.”

UNTABAN 27:2

Kalilimo ngaulun anak ri Jilapiad no minuma' ri Musa, Imam Iliajar, tingganai-tingganai ru Israil am ngaangai' ulun ondo' timinimung maar ra kulobon ru Kim ru Tuhan. Konilo,

UNTABAN 27:20

Taaki' riso santayaran ra kuasa' muno, maa' raginio ngaangai' ulun ru Israil gumagaya' riso.

UNTABAN 27:22

Binaal ri Musa susuban ru Tuhan. Nanusub io ri Josua migor ra saang ru Imam Iliajar am ngaangai' ulun.

UNTABAN 27:5

Pinasaboi ri Musa baal nilono ra Tuhan,

SAGULION 31:3

Tuhan i Aki Kapuuno' min galama' maningganai ramuyun am mamuso ra bansa'-bansa' ondo' minayan ra giu' no, maa' raginio makaayan kau ra tana' nilo. Masauk i Josua ra tingganai min, koson ra rinagu noyo ru Tuhan.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

JOSUA 9:14

Inapu ru ulun ru Israil akanon ondo' pinataak nilo, kaa' kalo nakitaak ra panuluan intor ra Tuhan.

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

1 SAMUIL 14:19

Paat ra Raja' Saul lakat poyo mindagu ra imam no, baal ru giu' ra pangkiman ru ulun ru Palistin gumaai jajajou. Ginio ra indagu Raja' Saul riso, “Kalo boo makarampot takau koson makitulu' intor ra Tuhan!”

1 SAMUIL 23:9

Pokorongog i Daut ra malaat ginuang ru Raja' Saul koson mamulunsar riso, indagu io ra Imam Abiatar, “Ibito' efod no ragiti.”

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.

1 SAMUIL 30:7

Kon ri Daut ra Imam Abiatar anak ri Agimilik, “Ibito' noyo efod no raki'.” I Abiatar pana nagibit ra efod no ri Daut.