Indagu boo raja' no risilo, “Kalo lair makauyum takau ra ulun ra bokon ondo' moonsoi poyo intor ri Jusup ti, sabap ra io ti inalungan ru Ambiluo ri Aki Kapuuno'.”
Indagu i Musa ri Josua, “Pilio' kukula' ngaulun koson mangayou ra ulun ru Amalik ra susuab no. Migor aku ra tampak ru bulur liliwa' mampaguut ra jujuga' koson ra nanusuban ri Aki Kapuuno'.”
Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.
Pabantaa' ri Paulus kalindu' nali risilo am kinuasa' ilo ru Ambiluo ri Aki Kapuuno'. Ginio ra minindagu ilo ra ragu imuagan am nampasaboi ra pambalaan intor ri Aki Kapuuno'.
Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.
Indagu aku boo ri Josua, ‘Nakito mu noyo ngaangai' ondo' binaal ru Tuhan i Aki Kapuuno' muno ra Raja' Sigon am Raja' Og, ruo ngaulun raja' no; baalon Nano nogondo' ra moonong raja' ondo' pagun no bulunsaron muno.
Tuhan pana mindagu ri Musa, “Bayag muno kalo boo mabuoi. Piawo' noyo i Josua am ibito' io ra Kim Kuno, maa' raginio makapanaak Aku ra panuluan riso.” Umpos i Musa am i Josua ra ralalom Kim ru Tuhan,
Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”
Tuhan i Aki Kapuuno' min galama' maningganai ramuyun am mamuso ra bansa'-bansa' ondo' minayan ra giu' no, maa' raginio makaayan kau ra tana' nilo. Masauk i Josua ra tingganai min, koson ra rinagu noyo ru Tuhan.
Nanaak Tuhan ra kapintaran ri Josua anak ri Nun sabap sinauk ri Musa io ra suali nano. Giminagaya' ulun ru Israil ri Josua am niayuk nambaal ra susuban ondo' tinaakan ru Tuhan risilo ondo' pinasaboi galing ri Musa.
Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.
Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.
Paat raginio Ambiluo ru Tuhan nanguasa' ri Jipta. I Jipta pana liniput ra titikop Giliad am Manasi, am saguli' ra Mijpa giu' ra Giliad. Intor ra giu' ongoi io ra Amon.
Kinuasa' i Otniil ru Ambiluo ru Tuhan, am nasauk io ra tingganai ru ulun ru Israil. Minongoi i Otniil pangayou, am nanaak Tuhan riso ra kamanangan ra raja' Misopotamia.
Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”