UNTABAN 26:62 - Tanou Moonsoi Timugon

⁶² Ungkuyon intor ra bansa' ru Liwi ondo' umur no nasailan sansila' suang no 23,000 ngaulun. Pinarijisto ilo nansuai ra ulun ru Israil ra bokon sabap kalo makaalap ilo ra tana' tungkus giu' ra tana' Israil.

UNTABAN 26:62 ပူးပေါင်းရင်းမြစ်များ

UNTABAN 1:47

Ulun ru Liwi kalo pinarijisto mababaya' ra bansa'-bansa' ra bokon,

UNTABAN 1:49

“Paat okou manguntob ra ungkuyon ondo' maaya' masauk ra saujor, pai' untobo' bansa' Liwi.

UNTABAN 26:63

Ngaangai' ru bansa' no pinarijisto ri Musa am i Iliajar paat ra ilo nanguntob ra ulun ru Israil giu' ra tana' marata' Moab, giu' ra sandaup ru Sungoi Jordan, nantaluma' ra bandar Jiriko.

UNTABAN 3:39

Ngaangai' ungkuyon intor ra bansa' ru Liwi ondo' umur sansila' am nakasail, suang no 22,000 ngaulun. Pinarijisto ilo ri Musa sumugut ra bansa' ru sigagama', koson ra nanusuban ru Tuhan.

UNTABAN 4:27

I Musa am i Arun musiti' mantainu ra bansa' ru Girson maa' raginio baalon nilo ngaangai' kandoi no am magibit ra ngaangai' kuliamos ondo' inaru' ri Arun am anak-anak ungkuyon nano.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

JOSUA 13:33

Kaa' kalo nanaak i Musa ra tayar ru tana' ra ati pana ra bansa' ru Liwi. Nambala' i Musa risilo ra tayar nilo iono intor ra taak-taak simbalui ondo' pataakon ra Tuhan i Aki Kapuuno' ru Israil.

JOSUA 14:3

I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.