UNTABAN 25:8 - Tanou Moonsoi Timugon

⁸ am nangilou ra ungkuyon am ruandu' no giu' ralalom ru kim; tinobok no karuruo no ra tutura'. Koon raginio noyo maruol tumapik ondo' tatanga' mamuso ra ulun ru Israil no timinaru'.

UNTABAN 25:8 ပူးပေါင်းရင်းမြစ်များ

2 SAMUIL 21:14

Kopongo raginio bungul-bungul ru Raja' Saul am i Jonatan, am niayuk bungul-bungul ru tulu' ngaulun no linobong giu' ra kalabangan ri Kis, ama' ru Raja' Saul, giu' ra Jila ralalom ru wilayah Binjamin, koson ra ondo' nanusuban ru raja'. Kopongo raginio bagu no nangiou i Aki Kapuuno' ra pakiasian nilo tayar ru pagun no.

2 SAMUIL 24:25

Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

1 TUNUNG RU BANSA' ISRAIL 21:22

Indagu Raja' Daut riso, “Masaga' aku mambaal ra altar ru Tuhan ra intok ragitio. Ginio ra talano' tana' ti raki'. Raguo' noyo kula' logo no, am bayarin ku.”

MALIAKI 2:5

Ralalom ru nabantuan no binantu' Ku mangani' risilo ra kaayagan moonsoi am mamimio. Suguton Ku nabantuan no maa' raginio mangurumat ilo Raki'. Paat raginio topot ra mangurumat ilo Raki' am malaa' Raki'.

UNTABAN 17:13

Amon ru ulun ondo' minggaar ra Kim ru Tuhan musiti' matoi, am kolondo' boo kalansanan mai!”

UNTABAN 25:11

“Pinigas anak ri Iliajar, akupu ri Imam Arun, napalinos noyo ra sangit Kuno ra Israil. Kalo nopoloso io ra Israil sumamba ra tuhan ra bokon ondo' ayuk am Aku, saboi sangit Kuno limininos am kalo mamuso Aku ra ulun raginio.

UNTABAN 25:5

Indagu i Musa ra tingganai-tingganai ru ulun ru Israil no, “Akau sigagama' musiti' mamatoi ra moonong ulun intor ra bansa' mino ondo' siminamba ra Baal giu' ra Pior.”

JOSUA 7:26

Pumpuni' nilo boo ra batu saboi nasauk rondo' pumpun ondo' maayo. Pumpun ru batu no lakat poyo soroi saboi ra orou raiti'. Ginio sabap ra intok no lakat poyo ininggalanan ra Limayak Kapaganan. Kopongo raginio kalo boo siminangit Tuhan.