UNTABAN 25:4 - Tanou Moonsoi Timugon

⁴ am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”

UNTABAN 25:4 ပူးပေါင်းရင်းမြစ်များ

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

2 SAMUIL 21:9

Raja' Daut napataak risilo ra ulun ru Gibion. Tinair ilo ru ulun ru Gibion giu' ra rasawat ru gunung ra saang ru Tuhan, am katulu'-tulu' ngaulun no minatoi. Ukuman ra matoi no pinaugar paat ra pompor ru bulintok mambusak, paat ra tumalimpuun mangkumos ra barli.

MAZMUR 106:29

Binaal nilono mapasangit ra Tuhan, am lugu malaat makatiu' risilo.

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

UNTABAN 25:11

“Pinigas anak ri Iliajar, akupu ri Imam Arun, napalinos noyo ra sangit Kuno ra Israil. Kalo nopoloso io ra Israil sumamba ra tuhan ra bokon ondo' ayuk am Aku, saboi sangit Kuno limininos am kalo mamuso Aku ra ulun raginio.

UNTABAN 25:18

sabap ra kalaatan ondo' binaal nilo ramuyun paat ra ilo namparuung ramuyun giu' ra Pior, am niayuk sabap i Kojbi ondo' pinatoi giu' ra Pior paat ra maruol tumapik nasauk.”

SAGULION 13:11

Kopongo raginio ngaangai' ulun ru Israil mokorongog ra baal ondo' masauk, am mangalaa' ilo. Sangulun pana kalo boo mambaal ra koson kinalaat raginio.

SAGULION 13:13

ra kukula' ngaulun mangalaat intor ra bansa' min napalayau noyo ra mamagun ru bandar nilo saboi mamagun ra giu' no sumamba ra tuhan-tuhan ondo' kalo igondo' kau samba.

SAGULION 13:15

potoyo' noyo ngaangai' mamagun ru bandar raginio am niayuk ngaangai' bibiag tinambiag nilo. Lunsayo' noyo ngaangai' bandar raginio.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 21:22

“Amon sangulun inukum ra matoi sabap nambaal ra kalaatan, am baangkai nano tairon ra lugu',

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

SAGULION 4:3

Nakakito kau noyo galama' ra atan ondo' binaal ru Tuhan giu' ra Gunung Pior. Giu' no namuso io ra moonong ulun ondo' sumamba ra Baal,

JOSUA 22:17

Karaa' noyo tula takau giu' ra Pior, paat ra Tuhan nangukum ra ulun Nano ra maruol tumapik. Itakau lakat poyo naimbolo' ra kinibit ru tula raginio. Kalo poyo kia sama' tula raginio?

JOSUA 23:2

Io pana nanimung ra ngaangai' ulun ru Israil, nakaaya' ngaangai' tuu' lair, ngaangai' tingganai, ngaangai' akim am ngaangai' pagawai, am indagu i Josua, “Raino matutuo aku noyo kaga'.