UNTABAN 24:17 - Tanou Moonsoi Timugon

¹⁷ Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

UNTABAN 24:17 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

2 SAMUIL 8:14

Nanirong Raja' Daut ra pangkiman ru saujor nano giu' ra titikop ra tana' ru Idom, am mamagun ra giu' no kinuasa' no. Tuhan nangani' ri Raja' Daut ra kamanangan ra ati ayuk intok nano mangayou.

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

2 RAJA'-RAJA' 3:5

Kaa' paat ra Raja' Agab intor ra Israil no minatoi, giminuor Raja' Misa no ra Israil.

1 TUNUNG RU BANSA' ISRAIL 18:2

Raja' Daut niayuk nangala ra ulun ru Moab saboi ilo kinuasa' am nambayar riso ra cukai.

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 45:6

Panah muno ondo' malarom marampus ra pusu' ru pantula'; ngaangai' bansa' maaba' ra kalayam muno.

JISAYA 15:1

Gitio noyo tanou ru Tuhan intor ra Moab. Bandar Ar am Kir pinuso ralalom sorondom ayuk. Titikop pagun ru Moab masauk ra masiluk.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 48:1

Koon raginio noyo ragu ru Tuhan intor ra pagun Moab, “Pakaasi' no ra mamagun ru Nibo – napuso noyo bandar nilo! Ginaau noyo bandar Kiryataim, linunsai noyo kubu nano ra maikang, am mamagun nano tinauyu';

JIRIMIA 48:45

Ulun nagigiru' ondo' kalo maikang kuminam sumindung giu' ra Gisybon, bandar ondo' igondo' kinuasa' ru Raja' Sigon, kaa' raino bandar no tatanga' nosolob. Apui nangumpo ra intok giu' ra balitan am giu' ra intok kagunungan ru Moab, pagun ru ulun ondo' masaga' mangayou.

JAKARIA 10:4

Mampili' Aku ra ulun manguasa', tingganai am panglima intor ra ilo po ngai' koson mamarinta ra ulun Kuno.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

UNTABAN 21:29

Akau ulun ru Moab, mapara' kia usung mino! Akau mongompor ri Kamos, maluus kau! Nopoloso Tuhan mino ra ungkuyon-ungkuyon nasauk ra ulun nagiru', am ruandu'-ruandu' nasauk ra ulun rinakop ru raja' Amori.

UNTABAN 24:16

sangulun ondo' riminongog ra bala' ri Aki Kapuuno', am nangapu ra kapandayan intor Riso Ondo' Masawat Kaga'; sangulun ondo' nakakito ra pinaintalang intor ri Aki Kapuuno' Ondo' Maayo Kaga' Kuasa' liliwa' naaba', kaa' ra nasingkarat mato.

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

1 SAMUIL 14:38

Raja' Saul pana mindagu boo ra tingganai-tingganai ru mamagun, “Ibok kau ragiti am tutuno' min noyo atan ra tula ondo' binaal ra orou raiti'.