UNTABAN 24:14 - Tanou Moonsoi Timugon

¹⁴ Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

UNTABAN 24:14 ပူးပေါင်းရင်းမြစ်များ

KASAUKAN 49:1

Piawo' ri Jakub anak-anak ungkuyon nano am indagu, “Tulibung kano am balain takamin ra atan ondo' masauk ramuyun ra tauli no:

JISAYA 24:22

Timungon ri Aki Kapuuno' raja'-raja' koson ra ulun narakop ralalom rondo' luang. Aputon No ilo saboi orou pangakiman risilo masuku'.

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

UNTABAN 24:25

I Biliam pana timinampos koson muli' ra intok inayanan nano, am Raja' Balak pana minugar.

RINALATAN 2:17

Kon ri Aki Kapuuno', ‘Paat ra orou pupus pataakon Ku Ambiluo Kuno ra ngaangai' ulun. Ginio ra anak ungkuyon am ruandu' mino mampasaboi ra bala' intor Raki'; Tuu'-bagu mino makakito ra baal ondo' pakitonon Kuno risilo, am matutuo mino maginupi ra baal ondo' paintalangon Kuno risilo.

2 TIMOTIUS 3:1

Karaan mu gitio! Mokoondo' masuang kapaganan masauk paat ra orou pupus no.

JOSUA 13:22

Bobokon ra ulun ondo' pinatoi ru ulun ru Israil iono i Biliam anak ri Bior, mangilong no.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.