UNTABAN 23:9 - Tanou Moonsoi Timugon

⁹ Intor ra tampak ru gunung makito ku ilo, intor rasawat ru bulur magilong aku risilo. Ilo rondo' bansa' ondo' naayag nagirondo', nakapandai ilo, binarakat ilo nasailan intor ra bansa' ra bokon.

UNTABAN 23:9 ပူးပေါင်းရင်းမြစ်များ

IJRA 9:2

Ungkuyon ru Jaudi nagandu' ra ruandu' bansa' ra bokon saboi ulun ondo' i Aki Kapuuno' ayuk tatangan no nasabulan. Tingganai-tingganai am pagawai-pagawai nilo noyo ondo' kasaa' toojo nambaal ra baal raginio.

ESTER 3:8

I Gaman pana nambala' boo ra raja', kono, “Raja' kuno, mokoondo' rondo' bansa' ondo' nokosoroi ra moonong wilayah giu' ra titikop ru pamarintaan mutu. Mokoondo' ilo ra kaulayan ondo' suai toojo ra kaulayan ru bansa' ra bokon. Ra mulu' poyo ra kalo gumagaya' ilo ra undang-undang ru pamarintaan. Ginio ra, moonsoi pai' mu polosoo' ilo mambaal ra kasagaan nilo.

KAINGKUALAN 33:16

Ati kulaan ulun bokon makapandai ra maansayan Kou ra ulun Muno am aku, amon ru kalo maya' Kou ramon? Saang Muno ra tatanga' mai mapasusuai ramon intor ra bansa' bokon ra tana' ti.”

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”

JIRIMIA 49:31

‘Ibok no bulunsaro' takau ulun ondo' mamimio am maayag ra moonsoi! Bandar nilo kalo noyo sinindungan sabap ra kolondo' kulobon garabang kapoam pinangalor ra kulobon no.’

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

SAGULION 33:28

Ginio ra papag ri Jakub maayag ra mamimio; makakaansayan ilo giu' ra tana' ondo' napanu' ra wain am gandum; am basaan tana' no ru bolobou intor ra limbowon.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.