UNTABAN 23:3 - Tanou Moonsoi Timugon

³ Indagu boo i Biliam ra Raja' Balak, “Bigor ra sapapa' ru taak ondo' pataakon muno. Liliwa' raginio mongoi aku pagilong ru matong Tuhan no tumuum raki' kapoam kalo. Mambala' aku rirun ra ngaangai' no ondo' paraguon ru Tuhan raki'.” Ugar i Biliam sangulun giu' ra tampak ru rondo' bulur,

UNTABAN 23:3 ပူးပေါင်းရင်းမြစ်များ

KASAUKAN 22:13

Pulolowo' boo i Abragam libung no am kakito no sanginan domba gawayan ondo' sangau no nakasangut ra malalaat. Ongoyo' boo alapo' ri Abragam domba no am pataako' ra Tuhan, koson taak simbalui suali ru anak ungkuyon nano.

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

IMAMAT 1:1

Intor ralalom ru Kim ru Tuhan, pampiau Tuhan ri Musa am pangani' riso ra aturan.

UNTABAN 23:12

Taam i Biliam, “Maragu kuno ayuk atan ondo' sinusub ru Tuhan.”

UNTABAN 23:15

Indagu i Biliam ra Raja' Balak, “Bigor noyo ra sapapa' ru taak ondo' pinataak muno, liliwa' mongoi aku tuum ra Tuhan ra giu' no.”

UNTABAN 23:2

Sinugut ri Raja' Balak kitaak ri Biliam. Raja' Balak am i Biliam nampataak boo ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 23:26

Taam i Biliam, “Sala' ka kia binalaan tokou noyo ra musiti' aku mambaal ra atan ondo' sinusub ru Tuhan?”

UNTABAN 23:4

am timinuum i Aki Kapuuno' ri Biliam ra giu' no. Indagu i Biliam ri Aki Kapuuno', “Nambaal aku noyo ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.”

UNTABAN 24:1

Paat raginio nakapandai i Biliam ra masaga' Tuhan riso mambarakat ra ulun ru Israil. Ginio sabap ra kalo boo naguyum io ra tatandu'-tatandu' koson ra ondo' binaal nano ra kalo poyo raginio. Nagilong io ra tana' kaagisan,

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

JOSUA 24:10

Kaa' kalo nangiou Aku ra kitaak ri Biliam. Kaa' nambarakat io ramuyun; namayag Aku ramuyun intor ra Raja' Balak.