UNTABAN 23:24 - Tanou Moonsoi Timugon

²⁴ Bansa' ru Israil koson ra singa' ondo' mapanggol, ondo' kalo mororo' saboi masaam ondo' akanon nano, am manginum ra raraa' ru inakan nano.”

UNTABAN 23:24 ပူးပေါင်းရင်းမြစ်များ

KASAUKAN 49:27

“I Binjamin koson ra taani masangit. Paat ra susuab ti mongoi io pansaam ra kana'. Paat ra rondom bibinsangon no.”

KASAUKAN 49:9

I Jiuda abigin koson ra singa'. Makapansaam io, sumaguli' io ra luang nano; mambilor am magupu' io, am kolondo' osoi pana makakau' mangulinjo riso.

2 TUNUNG RU BANSA' ISRAIL 9:18

Panturungan raginio mokoondo' onom tukar, am giu' ra ragana' nano mokoondo' rondo' tatampakan ra kalayam ondo' inangkupan niayuk ra mas. Panturungan raginio mokoondo' ra longon am giu' ra moonong kiing nano mokoondo' ra sinungkalalaing ru singa'.

MAZMUR 17:12

Koson ilo ra singa' ondo' magawang am manungaap raki', koson ra anak ru singa' mansibuni maginaa raki'.

AMSAL 30:30

Singa', bibiag ondo' maikang kaga' am kalo malaa' ra atan pana;

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

NAGUM 2:11

Ati kia bandar no raino? Bandar ondo' koson ra luang batu intok ru singa' manabunsut; intok ru anak-anak ru singa' aniin ra akanon, intok sukuan ru singa' ungkuyon am singa' ruandu', intok ondo' moonsoi ra tayar ru anak-anak ru singa'.

NAGUM 2:12

Mansaam singa' ra ondo' akanon nano, am kual nano binsangon no koson akanon ru singa' ruandu' am anak nano. Sosokon ru singa' luang batu nano ra binsang ru kual ru ondo' sinaam nano.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

UNTABAN 23:25

Indagu Raja' Balak ra raja' Biliam, “Sama' noyo, amon ru kalo masaga' kou magulas ra ulun ru Israil, pai' no pambarakat risilo!”

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

SAGULION 33:20

Intor ra bansa' ru Gad, indagu io, “Omporo' noyo i Aki Kapuuno' ondo' napalangka' ra intok nilo. Nagiginaa i Gad koson ra sanginan singa', masaga' maminsang ra longon kapoam kungkung ru ulu.

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”