UNTABAN 23:23 - Tanou Moonsoi Timugon

²³ Kolondo' jampi kapoam ilimu' sihir ondo' makaanggal ra Israil. Mindagu ulun intor ra Israil, ‘Ilai' noyo binaal ri Aki Kapuuno' risilo!’

UNTABAN 23:23 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

MAZMUR 64:9

Imboloon ilo ri Aki Kapuuno' sabap ragu-ragu nilono; ngaangai' ulun makakito risilo mamisik.

JISAYA 41:4

Osoi kia nambaal ra baal koson raginio? Osoi kia nangaru' ra sejarah? Aku, Tuhan ondo' nakapagulu, am Aku soroi saboi ra pamupusan.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

MIKA 7:15

Baalo' noyo ramon kaimuagan-kaimuagan, iou Tuhan, koson ondo' binaal Muli ra galing i, paat ra Okou nagibit ramon miningkual intor ra Misir.

UNTABAN 24:1

Paat raginio nakapandai i Biliam ra masaga' Tuhan riso mambarakat ra ulun ru Israil. Ginio sabap ra kalo boo naguyum io ra tatandu'-tatandu' koson ra ondo' binaal nano ra kalo poyo raginio. Nagilong io ra tana' kaagisan,

MATIUS 12:25

Napandayan ri Jisus ra atan pamaguangan nilo Riso, indagu Io boo risilo, “Moonong pagun ondo' natayar-tayar am mantutula' ra ilo galama', maaru' mapuso. Moonong pekan kapoam sambaloi ondo' natayar-tayar am mantutula' ra ilo galama', mantutuliar ilo.

MATIUS 12:27

Mindagu kau ra Aku mampagiru' ra riwato sabap ra inanian Aku ru Biiljibul no ra kuasa'. Amon ru koson raginio, osoi kia nangani' ra maamaya'-maamaya' mino ra kuasa' koson mampagiru' ra riwato? Maamaya' mino galama' mampainono' ra pamaguangan mino nasala!

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

RINALATAN 4:16

Pasakuot ilo, “Atan kia musiti' takau baalon ra ruo ngaulun ni? Ngaangai' mamagun ra Jirusalim nakapandai noyo ra ilo nambaal ra kaimuagan i. Baal raginio kalo maali' takau.

RINALATAN 5:12

Masuang kaimuagan am tatandu' sinauk ru rasul-rasul ra gino ngai' ru ulun masuang. Ngaangai' maamaya' ri Jisus masalok tumimung ra Langgar Salomo.

RINALATAN 5:14

Ginio ra buoi-kabuoi rumuang poyo ulun mangintopot ra Tuhan, ungkuyon am ruandu'.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.

JOSUA 13:22

Bobokon ra ulun ondo' pinatoi ru ulun ru Israil iono i Biliam anak ri Bior, mangilong no.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.