UNTABAN 23:21 - Tanou Moonsoi Timugon

²¹ Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

UNTABAN 23:21 ပူးပေါင်းရင်းမြစ်များ

2 TUNUNG RU BANSA' ISRAIL 13:12

I Aki Kapuuno' galama' ondo' nasauk ra tingganai mai. Imam-imam Nano soroi ragiti am nakatampos manamput ra bujung koson ra tatandu' mai koson mamulunsar ramuyun. Mamagun kau ru Israil, pai' anggal ra Tuhan, i Aki Kapuuno' ru kinamatuaan min! Kalo lair mamanang kau!”

MAZMUR 103:12

Koson ra kinaalur ru sirangon intor ra kalasaan, kinaalur raginio niayuk tula takano patirin No.

MAZMUR 118:15

Rongogo' noyo ralalom kim ru ulun ri Aki Kapuuno' magigindii ra ilo namanang; “Binaal ru Tuhan koson raginio kolondo' mokogondo'!

MAZMUR 135:21

Omporo' noyo Tuhan giu' ra Sion, giu' ra baloi Nano ra Jirusalim. Omporo' noyo Tuhan!

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

MAZMUR 99:2

Maayo kuasa' ru Tuhan giu' ra Sion; Io mangunguasa' masawat kaga' ra ngaangai' bansa'.

KAINGKUALAN 13:21

Tampilon ra matawang, soroi Tuhan ra saang nilo ralalom lugu' ru gaun, koson manulu' ra ralan risilo; tampilon ra rondom soroi Io ra saang nilo ralalom lugu' ru apui, koson mangani' ra sinda risilo. Ginio ra makaugar ilo paat ra matawang am molondom.

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 33:21

Tuhan mapaintalang ra katulayan Nano ritakau. Mayan takau ra intok ondo' maginggaar ra sungoi-sungoi ondo' malangka' am sungoi-sungoi boborok, kaa' kalo masundoi ru kapal ru pantula'.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JIRIMIA 50:20

Paat raginio, tula kolondo' boo giu' ra Israil, am kalaatan pana kolondo' boo giu' ra Jiuda, sabap ra mangampun Aku ra ulun ondo' binayag Kuno. Aku, Tuhan, nakaindagu noyo.”

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

JOIL 2:27

Ginio ra, akau Israil, makapandai kau ra Aku soroi ra tatanga' min, am ra Aku, Tuhan iono i Aki Kapuuno' min, am kolondo' boo bokon. Ulun Kuno totopot kalo boo asabin.”

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

UNTABAN 14:19

Ginio ra iou Tuhan, ampuno' noyo tula ru ulun ti, sabap ra togom Muno maayo am kalo makulau, koson ra nangampun Kou noyo risilo intor ra ilo nangiruan ra Misir.”

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

UNTABAN 9:22

Amon ru soroi gaun no giu' ra rasawat ru Kim ru Tuhan buoi ruo ngoorou, sansila', sambilor, kapoam mabuoi poyo intor raginio, buoi raginio noyo ilo mayan ra intok raginio. Kaa' paat ra minsawat gaun no, mugar ilo.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.

SAGULION 33:5

Masauk Tuhan ra raja' ru Israil, ulun Nano paat ra bansa'-bansa' ru Israil natitimung nabaya' ra tingganai-tingganai nilo.

SAGULION 9:24

Intor ra aku nakaulig ramuyun, magail kau gumuor ra Tuhan.

TINGGANAI RU BANSA' 6:13

Indagu i Gidion riso, “Iowo' noyo aku mangkuot. Amon ru topot Tuhan mabaya' ramon, kua kia ngaangai' ti nasauk ramon? Ati kia ngaangai' baal makaimuag ondo' igondo' binaal ru Tuhan ragili, ondo' tinunung ru kinamatuaan mai intor ra Tuhan napaingkual risilo intor ra Misir? Raino nangiruan Tuhan ramon am nopoloso ramon ra kuasaan ru ulun ru Midian.”

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.