UNTABAN 23:20 - Tanou Moonsoi Timugon

²⁰ Sinusub aku mambarakat; paat ri Aki Kapuuno' mambarakat, kalo masulang ku ginio.

UNTABAN 23:20 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 27:33

Tumontol galing ngaangai' inan ri Isak am pangkuot io, “Osoi kia raitii' ni, ondo' nampalula' noyo raki' ra kana', am ondo' nagibit ni? Inakan ku koyoo' ra okou kalo poyo nakaratong, am naanian ku noyo io ra barakat pamupusan kuli am barakat ragili io tatangan ra sabuoi-buoi no.”

1 TUNUNG RU BANSA' ISRAIL 17:27

Kitaakon ku, kasaga' no mambarakat ra papag kuno maa' raginio magulayun ilo makaliman ra togom Muno ra sabubuoi no. Okou, iou Tuhan, nambarakat noyo risilo am magulayun Kou mambarakat risilo saboi ra sabubuoi no.”

JISAYA 43:13

Aku noyo i Aki Kapuuno', am Aku ti ayuk i Aki Kapuuno' ra mantilayun. Kolondo' sangulun pana makalabus intor ra kuasa' Kuno; kolondo' osoi-osoi pana makapanginga' Raki' ra mamatas.”

UNTABAN 22:12

Indagu i Aki Kapuuno' ri Biliam, “Pai' ongoi mabaya' risilo am pai' pagulas ra ulun ru Israil, sabap ra binarakat Ku noyo ilo.”

UNTABAN 22:18

Kaa' taam i Biliam, “Kabalu' pana manaak Raja' Balak no raki' ra ngaangai' pirok am mas giu' ra istana nano, kalo makaanggal aku ra susuban ru Tuhan i Aki Kapuuno' ondo' sambaan kuno, am poyo ralalom ru baal boborok kaga' pana.

UNTABAN 22:38

Taam i Biliam, “Raino minatong aku noyo, kaa' kalo makakuasa' aku mindagu ra atan pana ondo' ayuk am ondo' sinusub ri Aki Kapuuno'.”

UNTABAN 6:27

Indagu Tuhan, “Amon ru mindagu ilo ra inggalan Kuno koson ra barakat ra ulun ru Israil, barakaton Ku ulun ru Israil.”

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.