UNTABAN 23:19 - Tanou Moonsoi Timugon

¹⁹ I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

UNTABAN 23:19 ပူးပေါင်းရင်းမြစ်များ

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

1 RAJA'-RAJA' 14:11

Ngaangai' ulun ru sasambaloi muno ondo' matoi giu' ra ralalom ru bandar akanon ru uku', am ondo' matoi giu' ra padang akanon ru susuit. Aku, Tuhan nakaindagu noyo.’ ”

2 RAJA'-RAJA' 15:12

Koon raginio noyo nasauk ra bantu' ondo' binaal ru Tuhan ra Raja' Jigu: “Papag muno saboi ra papag kaapat masauk ra raja' giu' ra Israil.”

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

1 TUNUNG RU BANSA' ISRAIL 17:17

Kaa' raino nambaal Kou ra nasailan intor ra ngaangai' no; nakimabantu' Kou intor ra papag kuno ra orou matong. Okou niayuk poyo, iou Tuhan i Aki Kapuuno', nambaal raki' koson ra sangulun tingganai maayo.

MAZMUR 110:4

Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”

MAZMUR 132:11

Tuhan nambaal ra bantu' am pator ri Daut; suguton No bantu' Nano. Kon No, “Sangulun ra anak muno saukon Ku ra raja', koson mamarinta am sumuali rirun.

MAZMUR 77:9

Kalo kia boo monogom Io ritakau? Kalo kia boo suguton No bantu' Nali?

MAZMUR 89:34

Kaa' rayusin Ku monogom ri Daut, am suguton Ku ngaangai' bantu' Kuli riso.

MAZMUR 89:35

Kalo luguton Ku bantu' Kuli riso, kapoam mampalugut ra atan-atan ayuk pana bantu' ondo' binaal Kuli riso.

JISAYA 21:17

Ulun-ulun mamanah nilono iono ulun mangaikang kaga' ra ilo ngai' ulun ru Kidar, kaa' kalo kukula' ulun nilono matatang. Aku Tuhan, i Aki Kapuuno' ru Israil minindagu noyo.”

JISAYA 31:2

Tuhan no mapintar am makapandai ra atan baalon Nano. Maparatong Io ra karaat, am mapaugar ra pomololob Nano koson mangukum ra ulun malaat am ulun ra mangindangan risilo.

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 46:11

Piawon Ku sangulun mangunguasa' intor ra sirangon; matong io koson ra sanginan susuit kanui koson mapaugar ra pamatasan Kuno. Atan paraguon Kuno musiti' Ku baalon, atan ondo' inatang Kuno musiti' Ku baalon.

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

DANIL 4:28

Ngaangai' baal raginio nasauk ra Raja' Nibukadnijar.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

UNTABAN 14:35

Nampator Aku ra mambaal ragitio ramuyun, ulun mangalaat ondo' naguguum manggal Raki'. Akau ngaangai' no matoi ra tana' kaagisan ti. Aku Tuhan nakaindagu noyo.’ ”

UNTABAN 23:18

am raguo' ri Biliam ragu inala' ragitio, “Okou Raja' Balak anak ri Jipor, rongogo' ragu kutu.

LUKAS 21:33

Limbowon am tana' ti mapuso, kaa' ragu Kutu mantilayun.”

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

2 TIMOTIUS 2:13

Kabalu' pana kalo mampagagaya' takau Riso, intopoton No bantu' Nali ritakau, sabap ra kalo noyo maungga' bantu' Nano.”

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

IBRANI 7:21

Kaa' i Jisus sinauk koson ra imam ra nagibot i Aki Kapuuno' Riso, kon Nano: “Aku noyo Tuhan bantu' Kuno Rirun, am kalo kulawon ragu Kuno, ‘Okou no imam ra mantilayun.’ ”

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

JOSUA 21:45

Sinugut ru Tuhan moonong bantu' Nano ra ulun ru Israil.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”

1 SAMUIL 3:12

Paat ra orou raginio baalon Ku ngaangai' lolob Kuno ra sasambaloi ri Ili, intor ra talimpuun saboi ra pupus.