UNTABAN 23:16 - Tanou Moonsoi Timugon

¹⁶ Timinuum Tuhan ri Biliam am nambala' riso ra atan musiti' raguon nano, am nanusub riso sumaguli' ra Raja' Balak koson mapasaboi ra ragu raginio riso.

UNTABAN 23:16 ပူးပေါင်းရင်းမြစ်များ

UNTABAN 22:20

Paat ra rondom raginio indagu i Aki Kapuuno' ri Biliam, “Ngaangai' ulun no minatong noyo koson makitaak rirun mongoi mabaya' risilo. Ginio ra tampos no ra mongoi, kaa' baalo' ayuk ondo' raguon Kuno rirun.”

UNTABAN 22:35

Kaa' indagu malaikat ru Tuhan, “Ongoi no mabaya' ra ngaangai' ulun ti, kaa' raguo' ayuk atan ondo' panusuban kuno raguon mu.” Ginio ra rinayus i Biliam pangkiralanan nano nabaya' ra ngaangai' ulun no.

UNTABAN 23:15

Indagu i Biliam ra Raja' Balak, “Bigor noyo ra sapapa' ru taak ondo' pinataak muno, liliwa' mongoi aku tuum ra Tuhan ra giu' no.”

UNTABAN 23:17

Pakasaguli' i Biliam, ilai' no lakat poyo Raja' Balak no minigor nabaya' ra ngaangai' tingganai ru Moab, giu' ra sapapa' ru taak-taak simbalui ondo' pinataak nano. Nangkuot Raja' Balak ra ragu ru Tuhan,

UNTABAN 23:5

Tuhan pana nambala' ri Biliam ra atan musiti' baalon nano, am nanusub riso sumaguli' ra Raja' Balak koson mapasaboi ra bilin ru Tuhan ra raja' no.

UNTABAN 24:1

Paat raginio nakapandai i Biliam ra masaga' Tuhan riso mambarakat ra ulun ru Israil. Ginio sabap ra kalo boo naguyum io ra tatandu'-tatandu' koson ra ondo' binaal nano ra kalo poyo raginio. Nagilong io ra tana' kaagisan,

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.