UNTABAN 23:15 - Tanou Moonsoi Timugon

¹⁵ Indagu i Biliam ra Raja' Balak, “Bigor noyo ra sapapa' ru taak ondo' pinataak muno, liliwa' mongoi aku tuum ra Tuhan ra giu' no.”

UNTABAN 23:15 ပူးပေါင်းရင်းမြစ်များ

UNTABAN 22:8

Kaa' indagu i Biliam, “Pombolong kano ragiti. Susuab no balain takamin ra bilin ru Tuhan raki'.” Pombolong boo tingganai-tingganai ru Moab no ra intok ri Biliam.

UNTABAN 23:14

Nagibit Raja' Balak ri Biliam giu' ra padang Jopim, giu' ra tampak ru Gunung Pisga. Giu' no nambaal niayuk Raja' Balak ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 23:16

Timinuum Tuhan ri Biliam am nambala' riso ra atan musiti' raguon nano, am nanusub riso sumaguli' ra Raja' Balak koson mapasaboi ra ragu raginio riso.

UNTABAN 23:3

Indagu boo i Biliam ra Raja' Balak, “Bigor ra sapapa' ru taak ondo' pataakon muno. Liliwa' raginio mongoi aku pagilong ru matong Tuhan no tumuum raki' kapoam kalo. Mambala' aku rirun ra ngaangai' no ondo' paraguon ru Tuhan raki'.” Ugar i Biliam sangulun giu' ra tampak ru rondo' bulur,

JOSUA 24:10

Kaa' kalo nangiou Aku ra kitaak ri Biliam. Kaa' nambarakat io ramuyun; namayag Aku ramuyun intor ra Raja' Balak.