UNTABAN 23:14 - Tanou Moonsoi Timugon

¹⁴ Nagibit Raja' Balak ri Biliam giu' ra padang Jopim, giu' ra tampak ru Gunung Pisga. Giu' no nambaal niayuk Raja' Balak ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 23:14 ပူးပေါင်းရင်းမြစ်များ

JISAYA 46:6

Ulun mapaingkual ra mas intor ra katia' nano, am manimbang ra pirok ra timbangan. Mampagaji' io sangulun manukang ra mas koson mambaal ra sinungkalalaing, am sambaan no sinungkalalaing binaal nano.

GOSIA 12:11

“Minindagu Aku noyo ra nabi-nabi, am niayuk nangani' risilo ra masuang pinaintalang, am pinabala' galing risilo nangani' Aku ra pampakaraan ra ulun Kuno.

UNTABAN 21:20

am intor ra Bamot mongoi ra limayak giu' ra tana' Moab, giu' ra ragana' ru tampak Gunung Pisga ondo' mongoi ra tampilon ra tana' kaagisan.

UNTABAN 23:13

Raja' Balak pana mindagu ri Biliam, “Ibok ongoi takau intok ra bokon. Giu' no makakito kou ra santayaran ayuk intor ra ulun ru Israil. Intor ra giu' no, ulaso' noyo ilo ra tayar kuno.”

UNTABAN 23:15

Indagu i Biliam ra Raja' Balak, “Bigor noyo ra sapapa' ru taak ondo' pinataak muno, liliwa' mongoi aku tuum ra Tuhan ra giu' no.”

UNTABAN 23:29

Indagu i Biliam ra Raja' Balak, “Baali' aku ra tulu' altar ragiti, am ibito' noyo tulu' ngainan sapi' gawayan am tulu' ngainan domba gawayan.”

SAGULION 3:27

Ongoi noyo ra tampak ru Gunung Pisga am ilai' tampilon ra ralayo am rabugus, tampilon ra sirangon am kalasaan. Ilai' toojo atan ondo' makito muno, sabap ra kalo mokoongoi kou ra sandaup ru Sungoi Jordan.

SAGULION 34:1

Iruani' boo ri Musa tana' marata' ru Moab am pagaloi ra Gunung Nibo, mongoi ra tampak ru Gunung Pisga tampilon ra sirangon ru bandar Jiriko. Giu' no nanulu' Tuhan ra titikop ru tana' no riso: wilayah Giliad saboi ra bandar Dan giu' ra ralayo;

SAGULION 4:49

am niayuk nakasimpung titikop libung giu' ra tampilon sirangon ru Sungoi Jordan saboi ra Raat Matoi giu' ra tampilon rabugus, am giu' ra pipilon ru Gunung Pisga giu' ra tampilon sirangon.