UNTABAN 23:13 - Tanou Moonsoi Timugon

¹³ Raja' Balak pana mindagu ri Biliam, “Ibok ongoi takau intok ra bokon. Giu' no makakito kou ra santayaran ayuk intor ra ulun ru Israil. Intor ra giu' no, ulaso' noyo ilo ra tayar kuno.”

UNTABAN 23:13 ပူးပေါင်းရင်းမြစ်များ

1 RAJA'-RAJA' 20:23

Ngaangai' pagawai ru Raja' Bingadad mindagu riso, “Tuhan-tuhan ru Israil no tuhan-tuhan ru gunung. Ginio sabap ra makapangala ilo ritakau. Kaa' maaru' makapangala takau risilo amon ru mampapatoi takau giu' ra tana' marata'.

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

MAZMUR 109:17

Masaga' io magulas; polosoon io galama' masulungan! kalo masaga' io mambarakat ra ulun; polosoon kolondo' sangulun pana mambarakat riso!

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 22:41

Iosusuab ru suabon no nagibit Raja' Balak ri Biliam mongoi ra Bamot-Baal. Giu' no nakakito ri Biliam ra santayaran intor ra ulun ru Israil.

UNTABAN 22:6

Maikang ilo poyo intor ramon. Ginio sabap ra ratong noyo koson magulas risilo ra tayar kuno, maa' raginio gama' ru maalap mai ilo ra kala am mapagiru' risilo intor ra tana' maiti. Nakapandai aku ra ulun binarakat muno makabarakat, am ulun ulason muno maulas.”

UNTABAN 23:12

Taam i Biliam, “Maragu kuno ayuk atan ondo' sinusub ru Tuhan.”

UNTABAN 23:14

Nagibit Raja' Balak ri Biliam giu' ra padang Jopim, giu' ra tampak ru Gunung Pisga. Giu' no nambaal niayuk Raja' Balak ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.

JOSUA 24:9

Kopongo raginio, manguasa' ru Moab, Raja' Balak anak ri Jipor, nangayou ra Israil. Nanusub Raja' Balak ra ulun minongoi ri Biliam anak ri Bior am nangitaak riso magulas ramuyun.