UNTABAN 22:7 - Tanou Moonsoi Timugon

⁷ Tingganai ru ulun ru Moab am ulun ru Midian pana nagibit ra bayaran ri Biliam maa' raginio makapagulas io ra ulun ru Israil. Pakaratong ilo ri Biliam, posoboyo' nilo bilin ru Raja' Balak no riso.

UNTABAN 22:7 ပူးပေါင်းရင်းမြစ်များ

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

UNTABAN 22:8

Kaa' indagu i Biliam, “Pombolong kano ragiti. Susuab no balain takamin ra bilin ru Tuhan raki'.” Pombolong boo tingganai-tingganai ru Moab no ra intok ri Biliam.

UNTABAN 23:23

Kolondo' jampi kapoam ilimu' sihir ondo' makaanggal ra Israil. Mindagu ulun intor ra Israil, ‘Ilai' noyo binaal ri Aki Kapuuno' risilo!’

UNTABAN 24:1

Paat raginio nakapandai i Biliam ra masaga' Tuhan riso mambarakat ra ulun ru Israil. Ginio sabap ra kalo boo naguyum io ra tatandu'-tatandu' koson ra ondo' binaal nano ra kalo poyo raginio. Nagilong io ra tana' kaagisan,

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

JOSUA 13:22

Bobokon ra ulun ondo' pinatoi ru ulun ru Israil iono i Biliam anak ri Bior, mangilong no.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.