UNTABAN 22:6 - Tanou Moonsoi Timugon

⁶ Maikang ilo poyo intor ramon. Ginio sabap ra ratong noyo koson magulas risilo ra tayar kuno, maa' raginio gama' ru maalap mai ilo ra kala am mapagiru' risilo intor ra tana' maiti. Nakapandai aku ra ulun binarakat muno makabarakat, am ulun ulason muno maulas.”

UNTABAN 22:6 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

1 RAJA'-RAJA' 22:13

Liliwa' raginio pagawai ondo' minongoi pampiau ri Mika no mindagu riso, “Ngaangai' nabi ra bokon nanala' noyo ra mamanang raja' no. Moonsoi okou pana manala' koon raginio.”

1 RAJA'-RAJA' 22:6

Ginio ra pampiau Raja' Agab ra nabi-nabi ondo' suang no olo'-olo' apat ngaatus ngaulun. Pangkuot Raja' Agab risilo, “Suguton takau kia mamulunsar ra Ramot kapoam kalo?” Taam ilo, “Bulunsaro' noyo. Manaak Tuhan rirun ra kamanangan.”

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

NIGIMIA 13:2

Baal no koon raginio paat ra ulun ru Israil ralalom pangkiralanan intor ra Misir, bansa' ru Amon am Moab marara' mangani' risilo ra akanon am inumon. Gili boo ginajian nilo i Biliam maa' raginio magulas ra bansa' ru Israil kaa' i Aki Kapuuno' takau nangulau ra ulas no nasauk ra barakat.

MAZMUR 109:28

Kabalu' pana magulas ilo raki', kaa' barakaton Mu aku. Polosoon noyo ilo ondo' mangimbolo' raki' no kalaan, am gama' ru bansukon aku ti, ulipon Mutu.

AMSAL 26:2

Koson ra susuit mansiab am sasoyob-soyob giu' ra limbowon, koon niayuk ra pagulasan kalo makatiu' ra ulun kolondo' sala.

YEHEZKIEL 13:6

Pinaintalang risilo no kalo motopot am ondo' inala' nilo pana kalo motopot. Mangiou ilo ra mampasaboi ra ragu Kuno, kaa' kalo nanusub Aku risilo. Kaa' malansan ilo maa' raginio ondo' inala' nilono masauk.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 22:12

Indagu i Aki Kapuuno' ri Biliam, “Pai' ongoi mabaya' risilo am pai' pagulas ra ulun ru Israil, sabap ra binarakat Ku noyo ilo.”

UNTABAN 22:17

Mambayar aku ra masuang kaga' am mangani' ra atan ayuk kitaakon muno. Ratong no am pagulas no ra ulun no ra tayar kuno.”

UNTABAN 23:13

Raja' Balak pana mindagu ri Biliam, “Ibok ongoi takau intok ra bokon. Giu' no makakito kou ra santayaran ayuk intor ra ulun ru Israil. Intor ra giu' no, ulaso' noyo ilo ra tayar kuno.”

UNTABAN 23:27

Indagu Raja' Balak, “Ibok no, ongoi takau intok ra bokon. Maaru' lair giu' no, mangiou i Aki Kapuuno' rirun magulas ra ulun ru Israil ra tayar kuno.”

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

SAGULION 23:4

Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

JOSUA 24:9

Kopongo raginio, manguasa' ru Moab, Raja' Balak anak ri Jipor, nangayou ra Israil. Nanusub Raja' Balak ra ulun minongoi ri Biliam anak ri Bior am nangitaak riso magulas ramuyun.

1 SAMUIL 17:43

Indagu i Goliat ri Daut, “Atan pakuan ra jujuga' no? Mangkara' kou kia ra aku ti uku'?” Nagulas i Goliat ri Daut ralalom inggalan ru dewa-dewa nano.