UNTABAN 22:5 - Tanou Moonsoi Timugon

⁵ nanusub ra ulun koson mampiau ri Biliam anak ri Bior, ondo' paat raginio minayan giu' ra Pitor mamaar ra Sungoi Iprat, giu' ra tana' Amau. Sinusub ilo nampasaboi ra bilin ri Balak ti ri Biliam, “Rondo' bansa' nakaratong noyo intor ra Misir, am raino ulun raginio soroi ra ngaangai' intok am niayuk mampajajou koson mampagaau ra tana' maiti.

UNTABAN 22:5 ပူးပေါင်းရင်းမြစ်များ

SAGULION 23:4

Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

JOSUA 24:9

Kopongo raginio, manguasa' ru Moab, Raja' Balak anak ri Jipor, nangayou ra Israil. Nanusub Raja' Balak ra ulun minongoi ri Biliam anak ri Bior am nangitaak riso magulas ramuyun.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

JOSUA 13:22

Bobokon ra ulun ondo' pinatoi ru ulun ru Israil iono i Biliam anak ri Bior, mangilong no.

UNTABAN 23:7

I Biliam pana mindagu ra ragu inala' ragitio, “Raja' Balak, manguasa' ru Moab nagibit noyo raki' intor ra Siria, intor ra kagunungan giu' ra sirangon. Kono, ‘Ibok no, indagu no ra tayar kuno, ulaso' noyo ulun ru Israil.’

MAZMUR 105:24

Sinauk ru Tuhan ulun Nano riminuang-ruang, saboi ilo maikang poyo ka pantula'.

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KAINGKUALAN 10:15

Natikop ra gapu' ralimbou ru tana' saboi makito ra maitom tana'. Nangakan gapu' ra ngaangai' ondo' kalo nalupis ru rasam batu, nakaaya' ngaangai' kawa' ra puun tataun. Titikop pagun ru Misir, kolondo' rondo' pana ondo' masansam soroi ra puun tataun kapoam tutuu'.

UNTABAN 31:8

nakaaya' limo ngaulun raja' ru Midian: I Iwi, i Rikim, i Jur, i Gur am i Riba. Namatoi ilo niayuk ri Biliam anak ri Bior.

SAGULION 23:5

Kaa' Tuhan i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.