UNTABAN 22:23 - Tanou Moonsoi Timugon

²³ Paat ra kaladai no nakakito ra malaikat ru Tuhan minigor ra giu' no liliwa' nananggal ra rondo' ilang, lisang kaladai no ra umo. Linamba' ri Biliam kaladai nano am inibit no saguli' ra ralan.

UNTABAN 22:23 ပူးပေါင်းရင်းမြစ်များ

2 RAJA'-RAJA' 6:17

I Ilisa pana pakiasi' boo, “Iou Tuhan, poloromo' mato ru ulipon kutu maa' raginio makakito io!” Nangiou Tuhan ra pakiasian nano. Ulipon ri Ilisa no nagilong am nakakito ra bulur no nososok ra kuda am kurita' kuda makaapui giu' ra libung ri Ilisa.

1 TUNUNG RU BANSA' ISRAIL 21:16

Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

JIRIMIA 8:7

Susuit kanawai pana makapandai ra paat ulian nano; susuit maningkuluuk, susuit tuntuayan am susuit murai niayuk makapandai ra paat bandingan ra intok. Kaa' akau, ulun Kuno, kalo makapandai ra ukum ondo' pinataak Kuno ramuyun.

DANIL 10:7

Aku sangulun ayuk ondo' nakakito ra pinaintalang no. Ulun ondo' nababaya' raki' kalo nakakito ra atan-atan pana, kaa' nalaa' ilo. Nagiru' ilo am nansibuni.

UNTABAN 22:22

Siminangit i Aki Kapuuno' sabap minugar i Biliam. Liliwa' nangura' i Biliam ra kaladai nano, binaya' ru ruo ngaulun ulipon nano, minigor malaikat ru Tuhan ra tanga' ru ralan koson mongompong riso.

UNTABAN 22:24

Malaikat ru Tuhan no pana minigor ra tayar ru ralan ondo' mapisok, lolot ru ruo umo ru anggur am timbok batu ra sapapa' mansapapa'.

RINALATAN 22:9

Ulun-ulun ondo' minaya' raki' nakakito ra silau i, kaa' kalo nokorongog ilo ra bolos ondo' minindagu raki'.

JOSUA 5:13

Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”

2 PITRUS 2:16

Kaa' sinawai io toojo sabap ra kalaatan nali. Kaladai nano minindagu riso mogondo' ra bolos ru ulun. Nabi no pana jinajalan nompolonggo' ra binaal nano ra sasambungon no.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.