UNTABAN 22:12 - Tanou Moonsoi Timugon

¹² Indagu i Aki Kapuuno' ri Biliam, “Pai' ongoi mabaya' risilo am pai' pagulas ra ulun ru Israil, sabap ra binarakat Ku noyo ilo.”

UNTABAN 22:12 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

2 TUNUNG RU BANSA' ISRAIL 31:10

indagu boo Tingganai Maayo Imam Ajaria, papag ri Jadok ra raja', “Intor ra mamagun nagibit ra taak nilo ra Baloi ru Tuhan, akanon ra giu' no naukop, am masuang piboo suwo. Nakaalap akai ra ngaangai' taak ragitio sabap ra Tuhan nambarakat ra ulun Nano.”

MAZMUR 144:15

Pakaansuk noyo bansa' koson raginio, pakaansuk noyo ulun ondo' i Aki Kapuuno' nilono Tuhan!

MAZMUR 146:5

Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

JISAYA 61:9

Papag nilono mauligan kaga' ra ati ayuk intok, anggagakon ra ginio ngai' ru bansa'; moonong ulun ra makakito makapandai ilo ra ilo noyo bansa' ondo' binarakat Kuno.”

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 22:11

ra rondo' bansa' nakaratong noyo intor ra Misir, am raino soroi bansa' no ra ngaangai' intok. Nakitaak Raja' Balak raki' magulas ra ulun no ra tayar riso, maa' raginio Raja' Balak no makaanggal am makapapagiru' risilo intor ra tana' nano.”

UNTABAN 22:13

Iosusuab ru suabon no, tuumo' ri Biliam ulun-ulun sinusub ru Raja' Balak no am indagu, “Uli' kano, kalo mangiou Tuhan raki' mongoi mabaya' ramuyun.”

UNTABAN 22:6

Maikang ilo poyo intor ramon. Ginio sabap ra ratong noyo koson magulas risilo ra tayar kuno, maa' raginio gama' ru maalap mai ilo ra kala am mapagiru' risilo intor ra tana' maiti. Nakapandai aku ra ulun binarakat muno makabarakat, am ulun ulason muno maulas.”

UNTABAN 23:23

Kolondo' jampi kapoam ilimu' sihir ondo' makaanggal ra Israil. Mindagu ulun intor ra Israil, ‘Ilai' noyo binaal ri Aki Kapuuno' risilo!’

UNTABAN 23:3

Indagu boo i Biliam ra Raja' Balak, “Bigor ra sapapa' ru taak ondo' pataakon muno. Liliwa' raginio mongoi aku pagilong ru matong Tuhan no tumuum raki' kapoam kalo. Mambala' aku rirun ra ngaangai' no ondo' paraguon ru Tuhan raki'.” Ugar i Biliam sangulun giu' ra tampak ru rondo' bulur,

UNTABAN 23:8

Makapagulas aku kia ra atan ondo' kalo ulason ri Aki Kapuuno', kapoam mangukum ra atan ondo' kalo ukumin ru Tuhan?

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

SAGULION 23:5

Kaa' Tuhan i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.

SAGULION 28:6

“Barakatin noyo ngaangai' pirot min.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

SAGULION 7:14

Kolondo' bansa' ra ati pana ra tana' ti ondo' barakaton ra malabaan koson ramuyun. Kolondo' sangulun pana ra gino ngai' min tabanang, am ngaangai' bibiag tinambiag min sumayat.