UNTABAN 21:34 - Tanou Moonsoi Timugon

³⁴ Indagu Tuhan ri Musa, “Pai' kalaa' riso. Manaak Aku rirun ra kamanangan. Maala mu raja' raginio, ngaangai' mamagun nano, am mampagaau ra tana' am niayuk pagun raginio. Pamakuan ra raja' raginio koson ra pinamakuan muno ra Raja' Sigon, raja' Amori ondo' namarinta giu' ra Gisybon.”

UNTABAN 21:34 ပူးပေါင်းရင်းမြစ်များ

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

1 RAJA'-RAJA' 20:13

Liliwa' raginio, sangulun nabi minuma' ra Raja' Agab am indagu, “Koon raginio ragu ru Tuhan, ‘Pai' kalaa' ra pulalai ru saujor ondo' maayo no! Paat ra orou raiti' mangani' Aku rirun ra kamanangan am makapandai kou ra Aku noyo Tuhan.’ ”

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

2 RAJA'-RAJA' 3:18

Rayuso' poyo ri Ilisa, “Baal ragitio maluoi ra Tuhan. Io niayuk mangani' rirun ra kamanangan ra ulun ru Moab.

JISAYA 41:13

Aku noyo Tuhan, i Aki Kapuuno' min; ikangon Takamin ra ragu, ‘Pai' kalaa', indanganon Takamin.’ ”

UNTABAN 14:9

Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

SAGULION 20:3

‘Rongogo' noyo, ulun ru Israil kau ngai'! Orou raiti' mangayou kau. Pai' kalaa' ra pantula', pai' katatak ambiluo am pai' pagalabo.

SAGULION 3:1

“Mongoi takau boo ra ralayo, mongoi ra libung Basan. Minatong Raja' Og intor ra Basan am ngaangai' saujor nano koson mamulunsar ritakau maar ra bandar Idrii.

SAGULION 3:11

Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 7:17

“Pai' karaa' ra kinasuang ru bansa'-bansa' raginio masuang poyo intor ramuyun, am ra kalo makapapagiru' kau risilo.

SAGULION 7:18

Pai' kalaa' risilo. Karaa' noyo binaal ru Tuhan i Aki Kapuuno' min ra raja' ru Misir am ngaangai' mamagun nano.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

JOSUA 10:25

Kopongo raginio indagu i Josua ra panglima-panglima nano, “Pai' kalaa' kapoam mapalo guang. Musiti' kau mangintopot am baani sabap gitio noyo ondo' baalon ru Tuhan ra ngaangai' pantula' min.”

JOSUA 10:8

Indagu Tuhan ri Josua, “Pai' kalaa' risilo. Nanaak Aku noyo rirun ra kamanangan. Kolondo' sangulun pana intor risilo makaanggal rirun.”

JOSUA 8:7

Paat raginio musiti' kau mingkual intor ra pansibunian am mampagaau ra bandar no. Manaak Tuhan i Aki Kapuuno' min ra bandar raginio ramuyun.

TINGGANAI RU BANSA' 11:30

Nabantu' i Jipta ra Tuhan, kono, “Amon mangiou Tuhan raki' mangala ra ulun ru Amon,

1 SAMUIL 23:4

Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”