UNTABAN 21:26 - Tanou Moonsoi Timugon

²⁶ Gisybon iono pusor bandar ru Raja' Sigon, manguasa' ru pagun ru Amori. Nakaili' ilo nangala ra raja' Moab am minayan ra titikop ru tana' no saboi ra Sungoi Arnon.

UNTABAN 21:26 ပူးပေါင်းရင်းမြစ်များ

UNTABAN 21:25

Koon raginio noyo ulun ru Israil nampagaau ra ngaangai' bandar ru ulun ru Amori, nakaaya' Gisybon am ngaangai' pekan ra libung no, am ilo pana pamagun ra giu' no.

UNTABAN 21:27

Ginio sabap ra ulun-ulun magilupot no nagilupot koson ragitio, “Ratong no ra Gisybon, mongoi ra bandar ru Raja' Sigon. Matipagilong akai ra bandar ti patirongon am punaan.

TINGGANAI RU BANSA' 11:26

Ulun ru Israil minayan ra Gisybon, Aroir am pekan-pekan ra libung no, am niayuk ngaangai' bandar ra igig ru Sungoi Arnon buoi talu ngaatus ngambilor. Kua pai' mu gaawo' buoi ru ginio?

RIMBAI PANGAMPARAN 7:4

Liog muno koson ra manara gading Mato muno koson ayuk ra kolam-kolam giu' ra bandar Gisybon, mamaar ra kulobon garabang Batrabim. Arung muno koson ra manara Libanon ondo' tumingkuang ra bandar Damsyik.

JIRIMIA 48:45

Ulun nagigiru' ondo' kalo maikang kuminam sumindung giu' ra Gisybon, bandar ondo' igondo' kinuasa' ru Raja' Sigon, kaa' raino bandar no tatanga' nosolob. Apui nangumpo ra intok giu' ra balitan am giu' ra intok kagunungan ru Moab, pagun ru ulun ondo' masaga' mangayou.

SAGULION 1:4

Baal ragitio nasauk nalupus Tuhan nangala ra Raja' Sigon, raja' ru ulun ru Amori ondo' namarinta giu' ra bandar Gisybon, am niayuk Raja' Og, raja' Basan, ondo' namarinta giu' ra bandar Asytarot am Idrii.

JOSUA 13:16

Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

JOSUA 13:17

Wilayah raginio nakasimpung Gisybon am ngaangai' bandar giu' ra tana' marata' masawat: Dibon, Bamot-Baal, Bit-Baal-Mion,

JOSUA 13:25

Wilayah nilo nakasimpung Jaijir, ngaangai' bandar Giliad, sampiruo intor ra tana' Amon saboi ra Aroir giu' ra tampilon sirangon Raba.

JOSUA 21:39

Gisybon am Jaijir nabaya' ra padang sakot no.

RIMBAI PANGAMPARAN 7:5

Ulu muno koson ra Gunung Karmil. Abuk muno ra sinulampir koson ra konoon satin ondo' malumis kaga'; kinalumis nano makabunduk ra guang ru sangulun raja'.

JIRIMIA 48:2

katulayan ru Moab liminiot noyo. Ginaau noyo ru pantula' bandar Gisybon; pantula' naguguum koson mamuso ra bansa' ru Moab. Bandar Madmin masauk ra masiluk; saujor ru pantula' mamulunsar riso.

JIRIMIA 48:20

Tumaam ilo, ‘Naratu' noyo Moab! Tinauyu' noyo Moab; tangii' noyo Moab. Potonowo' noyo giu' ra galur ru Sungoi Arnon ra napuso noyo Moab!’