UNTABAN 21:25 - Tanou Moonsoi Timugon

²⁵ Koon raginio noyo ulun ru Israil nampagaau ra ngaangai' bandar ru ulun ru Amori, nakaaya' Gisybon am ngaangai' pekan ra libung no, am ilo pana pamagun ra giu' no.

UNTABAN 21:25 ပူးပေါင်းရင်းမြစ်များ

AMOS 2:10

Inibit Takamin noyo miningkual intor ra Misir am naningganai ramuyun nansail ra tana' kaagisan buoi 40 ngambilor. Pinataak Ku noyo pagun ru ulun ru Amori ramuyun maa' raginio masauk ra pagun min galama'.

YEHEZKIEL 16:53

Indagu Tuhan ra Jirusalim, “Patapulion Ku kalangkayaan ru Sodom am pekan-pekan ra mamaar riso; koon niayuk ra Samaria am niayuk pekan-pekan ra mamaar riso. Okou pana saukon Ku ra langkaya'.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

JIRIMIA 48:45

Ulun nagigiru' ondo' kalo maikang kuminam sumindung giu' ra Gisybon, bandar ondo' igondo' kinuasa' ru Raja' Sigon, kaa' raino bandar no tatanga' nosolob. Apui nangumpo ra intok giu' ra balitan am giu' ra intok kagunungan ru Moab, pagun ru ulun ondo' masaga' mangayou.

JIRIMIA 48:34

“Mamagun ru bandar Gisybon am Iliali mantangi' saboi tangi' nilo morongog giu' ra Jagas, am niayuk norongog ru ulun intor ra Joar saboi ra Oronaim am Iglat-Silisia. Sungoi Nimrim pana nalasakan noyo.

JIRIMIA 48:2

katulayan ru Moab liminiot noyo. Ginaau noyo ru pantula' bandar Gisybon; pantula' naguguum koson mamuso ra bansa' ru Moab. Bandar Madmin masauk ra masiluk; saujor ru pantula' mamulunsar riso.

JISAYA 15:4

Tangi' ru ulun giu' ra Gisybon am Iliali maining saboi ra Jagas. Saujor-saujor pana monontol; liminawo ilo.

RIMBAI PANGAMPARAN 7:4

Liog muno koson ra manara gading Mato muno koson ayuk ra kolam-kolam giu' ra bandar Gisybon, mamaar ra kulobon garabang Batrabim. Arung muno koson ra manara Libanon ondo' tumingkuang ra bandar Damsyik.

SAGULION 2:12

Galing i ulun ru Or minayan giu' ra Idom, kaa' pinagiru' am pinuso ilo ru papag ri Isau. Papag ri Isau pana nangayan ra tana' nilo, nogondo' koson ra ulun ru Israil, ondo' paat orou tauli napagiru' ra pantula' intor ra tana' ondo' tinaakan ru Tuhan risilo.)

UNTABAN 21:31

Koson raginio noyo ulun ru Israil namagun ra tana' ru ulun ru Amori.

UNTABAN 21:26

Gisybon iono pusor bandar ru Raja' Sigon, manguasa' ru pagun ru Amori. Nakaili' ilo nangala ra raja' Moab am minayan ra titikop ru tana' no saboi ra Sungoi Arnon.

TINGGANAI RU BANSA' 11:26

Ulun ru Israil minayan ra Gisybon, Aroir am pekan-pekan ra libung no, am niayuk ngaangai' bandar ra igig ru Sungoi Arnon buoi talu ngaatus ngambilor. Kua pai' mu gaawo' buoi ru ginio?

UNTABAN 32:3

“Bandar-bandar ondo' inayanan ru ulun takau ra indangan ru Tuhan, moonsoi kaga' ra panambiagan, iono bandar Atarot, Dibon, Jaijir, Nimra, Gisybon, Iliali, Sibam, Nibo am Bion. Sabap ra masuang toojo bibiag tinambiag maino,

JOSUA 24:8

Aku pana nagibit boo ramuyun mongoi ra tana' ru ulun ru Amori ondo' minayan giu' ra tampilon sirangon ru Sungoi Jordan. Nangayou ilo ramuyun, kaa' nanaak Aku ramuyun ra kamanangan intor risilo. Ginaau min tana' nilo am namuso Aku risilo paat akau namulunsar risilo.