UNTABAN 21:16 - Tanou Moonsoi Timugon

¹⁶ Intor ra giu' no minongoi ilo ra intok makainggalan ra Biir, ondo' makaarati' ra tulubong-tulubong. Giu' no minindagu Tuhan ri Musa, “Timungo' noyo ulun no; manaak Aku risilo ra timug.”

UNTABAN 21:16 ပူးပေါင်းရင်းမြစ်များ

UNTABAN 20:8

“Alapo' jujuga' giu' ra Kaban Nabantuan no, okou am i Arun musiti' manimung ra ngaangai' ulun ru Israil. Giu' ra saang nilo ngaangai', indagu ra bulur batu ra giu' no, am mapasalula' boo batu no ra timug. Koon raginio noyo okou mapaingkual ra timug intor ra batu no tayar ru ulun ru Israil, maa' raginio ilo am bibiag tinambiag nilono makainum.”

JISAYA 12:3

Ati poyo kulaan ra timug makabansuk ra ulun pinaason, ginio niayuk ra ulun ri Aki Kapuuno' maansukan sabap binayag ri Aki Kapuuno'.”

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

JISAYA 43:20

Tambiag ra masigo pana mangurumat Raki', taani am susuit unta mongompor Raki' bulintok ra Aku mampatilis ra timug ru sungoi-sungoi boborok no giu' ra tana' kaagisan, koson mapainum ra ulun pinili' Kuno.

TINGGANAI RU BANSA' 9:21

Kopongo raginio nagiru' i Jotam am minayan giu' ra Biir sabap malaa' io ri Abimilik, pabukat nano.

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

KASAUKAN 21:19

I Aki Kapuuno' pana nangukab ra mato ri Agar saboi nakito no rondo' tulubong. Ongoyo' no suangi' kantungan ru kungkung no ra timug am painumo' no anak nano.

JISAYA 15:8

Titikop pambaitan ru Moab maining bolos mantangi'. Tangi' raginio maining niayuk giu' ra Iglaim am Biir-Ilim.