UNTABAN 20:28 - Tanou Moonsoi Timugon

²⁸ I Musa pana nangalus ra sukub ri Arun am pabayango' no ri Iliajar. Giu' ra tampak ru gunung no i Arun minatoi, am i Musa am i Iliajar pana timinuun.

UNTABAN 20:28 ပူးပေါင်းရင်းမြစ်များ

1 TUNUNG RU BANSA' ISRAIL 22:17

Nanusub Raja' Daut ra ngaangai' tingganai ru Israil koson mangindangan ri Salomo.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

KAINGKUALAN 6:23

I Arun nagandu' ri Ilisiba, anak ruandu' ri Aminadab; i Ilisiba pabukat ruandu' niayuk ri Nagason. Naganak i Ilisiba ri Nadab, Abigu, Iliajar am i Itamar.

UNTABAN 20:1

Paat ra sila' kasaa', ngaangai' ulun ru Israil nakasaboi giu' ra tana' kaagisan Jin, am ilo pana pangkim giu' ra Kadis. Giu' no pinatayan am nampalabangan ri Miriam.

UNTABAN 20:26

Aluso' sukub ru imam ondo' binayang ri Arun am pabayango' sukub no ri Iliajar. Matoi i Arun ra intok raginio.”

UNTABAN 20:27

Ginagaya' ri Musa susuban ru Tuhan. Nagaloi i Musa, i Arun am i Iliajar giu' ra Gunung Gor liliwa' inilayan ru ngaangai' ulun ru Israil.

UNTABAN 27:13

Mopongo magilong ra tana' no, matoi kou koson ri Arun maayo ungkuyon muli niayuk minatoi noyo,

SAGULION 10:6

Iniruanan ru ulun ru Israil tulubong ru ulun longgom ru Jaakan, am ongoi ra Mosira. Giu' ra Mosira, pinatayan am nampalabangan ri Arun, am anak nano i Iliajar minalit riso ra Imam.

SAGULION 34:5

Kopongo raginio i Musa, ulipon ru Tuhan no, minatoi giu' ra tana' ru Moab, koson ra ondo' rinagu noyo ru Tuhan.

SAGULION 34:9

Nanaak Tuhan ra kapintaran ri Josua anak ri Nun sabap sinauk ri Musa io ra suali nano. Giminagaya' ulun ru Israil ri Josua am niayuk nambaal ra susuban ondo' tinaakan ru Tuhan risilo ondo' pinasaboi galing ri Musa.

JOSUA 24:33

I Iliajar anak ri Arun minatoi, am linobong giu' ra Gibia, bandar giu' ra kabuluran Ipraim ondo' pinataak noyo ra anak nano, i Pinigas, anak ri Iliajar.

2 PITRUS 1:15

Ginio ra mirot aku toojo mampakara' ramuyun ra pangilaan raginio, kabalu' pana ra aku kalio boo.