UNTABAN 20:15 - Tanou Moonsoi Timugon

¹⁵ Kinamatuaan maili minongoi giu' ra pagun ru Misir am nabuoi kaga' minayan ra giu'. Kinamatuaan maili am akai inimbolo' ru bansa' Misir,

UNTABAN 20:15 ပူးပေါင်းရင်းမြစ်များ

KASAUKAN 15:13

Indagu Tuhan riso, “Papag muno masauk ra ulun bansa' ra bokon giu' ra pagun ra bokon. Masauk ilo ra ulipon ra giu' no am uliponon ilo buoi apat ngaatus ngambilor.

KASAUKAN 46:6

Ibito' nilo niayuk ngaangai' biniag nilono am kuliamos ondo' naalap nilo ra Kanaan, am ongoi ra Misir. Ibito' ri Jakub ngaangai' papag nano, iono,

KASAUKAN 46:7

ngaangai' anak ungkuyon am ruandu', ngaangai' akupu ungkuyon am ruandu'.

2 SAMUIL 12:18

Saminggu' raginio minatoi anak no, am pagawai ri Raja' Daut malaa' koson mambala' riso ra baal raginio. Konilo, “Paat ra anak no lakat poyo maayag, marara' raja' no mangkirongog ritakau paat mindagu ra raja'. Atan poyo raino malupus anak ungkuyon ru raja' no minatoi! Maaru' lair ru raja' no mangaru', am maninduol ra inan nano galama'!”

KAINGKUALAN 1:16

Kon ru raja' ru Misir, “Paat ra akau mangindangan ra ruandu' Ibrani maganak, karaa' gitio: Amon ru lalagang ungkuyon, potoyon min io. Amon ru lalagang ruandu', polosoon min io maayag.”

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

KAINGKUALAN 12:40

Buoi ru ulun ru Israil minayan ra Misir 430 ngambilor.

KAINGKUALAN 5:14

Tingganai ru ulipon no napalamba' ra mandur ra bansa' ru Israil ondo' sinusub magalung ra kandoi no. Pangkuot ilo, “Kua kalo binaal min batu bata koson ra kinasuang ragili?”

UNTABAN 11:5

Giu' ra Misir makaakan takau ra papait ra masuang maya' ra kasagaan takau ra kalo mambayar ra atan-atan. Lakat poyo mangkara' takau ra baliburan, sangop, kusai, ambawang malia' am ambawang mapulak ra giu' i.

UNTABAN 16:13

“Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 20:14

Panusub boo i Musa ra ulun-ulun sinusub intor ra Kadis mongoi uma' ra raja' Idom. Indagu ulun-ulun sinusub no, “Akai ngaangai' intor ra bansa'-bansa' ru Israil ondo' lakat poyo makapabukatan rirun. Nakapandai kou ra kapaganan ondo' nakalumpa' ramon.

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

RINALATAN 7:15

Banding boo i Jakub ra pagun ru Misir am giu' i ayuk boo pinatayan nali am niayuk kinamatuaan takali ra bokon i poyo.

RINALATAN 7:19

Namparuung raja' no ra bansa' takau am niayuk mapuka' ra kinamatuaan takali. Jinajalan ilo poyo mampalisar ra lalagang nilo saboi matoi.

SAGULION 26:6

Malaat pamakuan ru ulun ru Misir ramon am nampajajal ramon mangandoi koson ra ulipon.