UNTABAN 20:12 - Tanou Moonsoi Timugon

¹² Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

UNTABAN 20:12 ပူးပေါင်းရင်းမြစ်များ

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

MAZMUR 106:32

Napasangit ilo ra Tuhan giu' ra taur ru timug giu' ra Miriba, am mantipagon ri Musa ralalom ru binaal nilono.

MAZMUR 99:8

Iou Tuhan, i Aki Kapuuno' mai, iniou Mu kinitaak ru ulun Muno; pinatalang Mu ra Okou noyo i Aki Kapuuno' ondo' masaga' mangampun ra ulun, kabalu' pana inukum Mu ilo sabap ra tula nilo.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

JISAYA 8:13

Karaa' noyo ra Aku, Tuhan Ondo' Maayo Kaga' Kuasa' iono matulai. Aku noyo sotopot no kalaanin min.

YEHEZKIEL 20:41

Mopongo Takamin ibiton mingkual intor ra pagun-pagun intok nampatuliaran ramuyun, timungon Takamin am mangapu ra taak simbalui ondo' solobon min. Makito boo ru ngaangai' bansa' ra Aku ti matulai.

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

UNTABAN 11:15

Amon ru koson ragitio pinamakuan Muno raki', pakaasi' no raki'; potoyo' aku noyo ra mataki' maa' raginio kalo boo mansaan aku ra kaimbalaan ti.”

UNTABAN 20:24

“Kalo mokoongoi i Arun giu' ra tana' ondo' binantu' Kuno ra ulun ru Israil. Matoi io sabap ra akau ruo kalo giminagaya' ra susuban Kuno giu' ra Miriba.

UNTABAN 27:14

sabap ra akau ruo minanggal noyo ra susuban Kuno giu' ra tana' kaagisan Jin. Paat ra ngaangai' ru ulun ru Israil nambubutok Raki' giu' ra Miriba, kalo napakito kau ra Kuasa' Kuno ondo' matulai ra saang nilo.” (Kasaukan raginio nasauk giu' ra taur Miriba giu' ra Kadis, giu' ra tana' kaagisan Jin.)

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 17:20

Taam i Jisus, “Sabap ra kalo mangintopot kau toojo. Karaa' min! Amon ru makapangintapatan kau koson ra gayo ru sangunor puun mustard, makaindagu kau ra bulur ti, ‘Banding no intor ragiti ongoi ra giu' no!’ am maaru' manding io! Makapambaal kau ra atan ayuk! [

LUKAS 1:20

Atan ondo' rinagu kutu, masauk toojo ra orou inaru' no. Kaa' kalo mangintopot kou, kalo makaindagu kou saboi masauk atan ondo' rinagu kuli.”

LUKAS 1:45

Mumpara' bansuk muno, sabap ra nangintopot kou ra rinagu ru Tuhan rirun no masauk!”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

ROMA 4:20

Kalo nagalabo i Abragam ra bantu' ri Aki Kapuuno', kaa' nangintopot io ayuk. Am minikang poyo pangintapatan nano am nongompor-ompor io boo ri Aki Kapuuno'.

SAGULION 1:37

Sabap ra akau, siminangit niayuk Tuhan raki' am indagu, ‘Musa, okou pana kalo mokoongoi ra tana' raginio.

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 4:21

Sabap ra akau, siminangit Tuhan i Aki Kapuuno' min raki', saboi nagibot Io ra kalo makalaup aku ra sandaup ru Sungoi Jordan koson mongoi ra tana' ondo' malabung, ondo' pataakin Nano ramuyun.

JOSUA 1:2

Indagu Tuhan, “Minatoi noyo ulipon Kuno i Musa. Moonsoi tumampos kau, okou am ngaangai' ulun ru Israil. Laup noyo ra Sungoi Jordan am ongoi noyo ra tana' ondo' taakin Kuno risilo.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.