UNTABAN 20:11 - Tanou Moonsoi Timugon

¹¹ Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

UNTABAN 20:11 ပူးပေါင်းရင်းမြစ်များ

1 TUNUNG RU BANSA' ISRAIL 15:13

Paat ra Kaban no pinabanding ra kainsaa' i, kalio kau ra giu' koson mansaan raginio. Ginio ra Tuhan, i Aki Kapuuno' takau, nangukum ritakau sabap ra kalo nakitulu' takau intor Riso.”

1 TUNUNG RU BANSA' ISRAIL 15:2

Kopongo raginio indagu Raja' Daut, “Ulun ru Liwi ayuk ondo' iowon mansaan ra Kaban Nabantuan ri Aki Kapuuno', sabap ra ilo pinili' ru Tuhan koson mansaan ra Kaban Nabantuan ru Tuhan am koson mangandoi ayuk Riso ra sabubuoi no.”

MAZMUR 105:41

Bulur batu linapak No, am timug tumampusis mingkual, am tumuluk koson ra sungoi giu' ra tana' kaagisan.

MAZMUR 114:8

i Aki Kapuuno' ondo' nangulau ra bulur batu masauk ra tulugung, am pipilon ru batu masauk ra taur ru timug.

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

MAZMUR 78:15

Linapak No bulur batu giu' ra tana' kaagisan, am painumon No ilo ra timug intor ra lumuab-luab.

MAZMUR 78:16

Susubon No timug no mingkual intor ra batu, am timug no maaug koson ra sungoi.

MAZMUR 78:20

Motopot noyo ra i Aki Kapuuno' napalapak ra bulur batu, am timug no maaug koson kinaaug ru sungoi; kaa' mapaakan Io nua' ritakau ra ruti', am manaak ra kual ra ulun Nano?”

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

JISAYA 43:19

Guango' noyo baal makabagu ondo' baalon Ku mataki'. Ilai' noyo, pinatalimpuun Ku noyo. Mambaal Aku ra ralan giu' ra tana' kaagisan, am manaak ramuyun ra sungoi-sungoi boborok giu' ra agis limayak.

JISAYA 48:21

Bulintok ra Tuhan maningganai ra ulun Nano mugar ra tana' kaagisan, kalo paason ilo. Paingkualon No timug intor ra bulur batu no risilo; lapakon No bulur batu, am timug pana tumampusis.

GOSIA 13:5

Nagalung Aku ramuyun giu' ra tana' kaagisan ondo' mapua'.

IMAMAT 10:1

Paat ra sangarawan, anak-anak ri Arun, i Nadab am i Abigu, nagibit ra intok ru apui nilo sigagama' am suangi' ra baa ru apui. Anii' nilo ra kaminyan rasawat ru baa no, am pataako' ginio ra Tuhan. Kaa' kalo mapasau apui no, sabap ra kalo nanusub Tuhan risilo mapataak raginio.

UNTABAN 20:8

“Alapo' jujuga' giu' ra Kaban Nabantuan no, okou am i Arun musiti' manimung ra ngaangai' ulun ru Israil. Giu' ra saang nilo ngaangai', indagu ra bulur batu ra giu' no, am mapasalula' boo batu no ra timug. Koon raginio noyo okou mapaingkual ra timug intor ra batu no tayar ru ulun ru Israil, maa' raginio ilo am bibiag tinambiag nilono makainum.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

1 KORINTUS 10:4

Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

SAGULION 8:15

Naningganai Io ramuyun mansail ra tana' kaagisan ondo' malangka' am makalalaa' no, intok ondo' inayanan ru kukuo makaanit am lingait. Giu' ra tana' ondo' mapua' am kolondo' timug no, napaingkual Io ramuyun ra timug intor ra bulur batu.

JAKUBUS 1:20

Ulun ondo' mataki' malasu' guang, kalo noyo makapambaal ra atan ondo' mapabansuk ra guang ri Aki Kapuuno'.

TINGGANAI RU BANSA' 15:19

Ukabo' boo ri Aki Kapuuno' rondo' luang giu' ra Ligi, am ingkual timug intor ra giu'. Inum i Simson, am moonsoi saguli'. Ginio ra taur ru timug no ininggalanan ra Taur ru Timug Akor. Taur ru timug no lakat poyo soroi giu' ra Ligi.

1 SAMUIL 15:19

Kua kia boo rirun ti kalo giminagaya' Riso? Kua kia agou-agou kou nanalingaau ra rapu' nilono am nambaal ra ondo' kalo kasagain ru Tuhan?”

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.