UNTABAN 2:2 - Tanou Moonsoi Timugon

² Paat ra ulun ru Israil mangkim, moonong ulun musiti' mangkim ragana' ru bandira' ru pulalai nano, am ragana' ru tatandu' ru bansa' nano. Kim-kim raginio musiti' tirongon ra liput ru Kim ru Tuhan kaa' kalo mamaar kaga'.

UNTABAN 2:2 ပူးပေါင်းရင်းမြစ်များ

MAZMUR 74:4

Pantula' Muno magigindii ra Baloi Muno; pinatansok nilo bandira' ra giu' no tatandu' ra ilo namanang.

MAZMUR 76:11

Sangitan ru ulun mangkinibit ayuk ra pangamparan maayo poyo koson Rirun. Ilo ondo' naayag intor ra pangayawan mambaal ra pangiantakan Muno.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 18:3

Rongogo' noyo, alii ra ngaangai' namagun ra tana' ti! Inaani' min noyo bandira' ondo' paundokon giu' ra munung ru gunung-gunung! Inaani' min noyo bujung no samputin!

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

JAKARIA 9:16

Paat orou raginio ra tauli no, bayagon ru Tuhan ulun Nano, koson ra magagalung mamayag ra bibiag tinambiag intor ra makalalaa'. Suminda ilo giu' ra pagun ru Tuhan koson ra intan ra karaun.

UNTABAN 1:50

Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

UNTABAN 10:14

Pogonong ra ilo mugar, mansusunu' ilo maya' ra ondo' tinampos ra nogondo'. Ulun ondo' ragana' ru bandira' ra pulalai ondo' tiningganai ru bansa' ru Jiuda minugar pagulu, nansusunu' pulalai am pulalai. I Nagason anak ri Aminadab ondo' naningganai risilo.

UNTABAN 10:18

Mopongo raginio ulun ondo' ragana' ru bandira' ra pulalai ondo' tiningganai ru bansa' Rubin minugar, nansusunu' pulalai am pulalai. I Ilijur anak ri Sidiur ondo' naningganai risilo.

UNTABAN 10:22

Ulun ondo' ragana' ru bandira' ra pulalai ondo' tiningganai ru bansa' ru Ipraim minugar, nansusunu' pulalai am pulalai. I Ilisama anak ri Amigud ondo' naningganai risilo.

UNTABAN 10:25

Pupus no, ulun ondo' ragana' ru bandira' ra pulalai ondo' tiningganai ru bansa' ru Dan minugar, nansusunu' pulalai am pulalai. I Agiijir anak ri Amisyadai ondo' naningganai risilo. Nasauk ilo ra magalung ra barisan tinaulian ra tayar ru ngaangai' pulalai no.

UNTABAN 2:1

Nanaak Tuhan ri Musa am i Arun ra panuluan ragitio.

UNTABAN 2:10

Tampilon ra rabugus, ulun ragana' ru bandira' ru pulalai ri Rubin musiti' mangkim maya' ra pulalai nilo, am tingganai ru sigagama': Bansa' Tingganai Suang ru Ulun Rubin Ilijur anak ri Sidiur 46,500 Simion Silumiil anak ri Jurisyadai 59,300 Gad Ilyasap anak ri Riguil 45,650 Suang: 151,450 Pulalai ri Rubin iono pulalai karuo ondo' minugar.

UNTABAN 2:3

Tampilon ra sirangon, ulun ragana' ru bandira' ru pulalai ri Jiuda musiti' mangkim sumugut ra pulalai boborok nilo, am tingganai ru sigagama': Bansa' Tingganai Suang ru Ulun Jiuda Nagason anak ri Aminadab 74,600 Isakar Nitaniil anak ri Juar 54,400 Jibulon Iliab anak ri Gilon 57,400 Suang: 186,400 Pulalai ri Jiuda iono pulalai ondo' kasaa' minugar.

UNTABAN 24:2

am nakakito ra ulun ru Israil nangkim ralalom pulalai sumugut ra bansa' ru sigagama'. Kinuasa' i Biliam ru Ambiluo ri Aki Kapuuno',

1 KORINTUS 14:33

Sabap ra i Aki Kapuuno' marara' ra jajajou, kaa' masaga' Io ritakau matanda' am makakaansayan. Koson ra kaindalaman ru ngaangai' pasimpungan ulun Kristian,

1 KORINTUS 14:40

Kaa' ngaangai' no musiti' paugaron ra moonsoi am matanda'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.

JOSUA 3:4

Kalo igondo' kau ongoi ragiti, ginio ra maningganai ilo ra pangkiralanan min. Kaa' pai' inggaar ra Kaban Nabantuan. Ugar noyo olo'-olo' sakilomito giu' ra tinaulian ru Kaban Nabantuan.”