UNTABAN 19:9 - Tanou Moonsoi Timugon

⁹ Mopongo raginio sangulun ondo' kalo majamol no musiti' mangumung ra kaau ru sapi' ra raitii' ni am pabantaan ginio giu' ra liwar ru pangkiman, giu' ra rondo' intok ondo' kalo majamol. Buliin kaau no ra giu' no maa' raginio mapakai ru ulun ru Israil ginio koson mampatampos ra timug tayar ru upacara pamasawan. Upacara raginio koson mamuso ra tula.

UNTABAN 19:9 ပူးပေါင်းရင်းမြစ်များ

IMAMAT 15:20

Atan ayuk ondo' turungin kapoam kaalangin ru ruandu' no paat io liuran, kuliamos no pana majamol.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

UNTABAN 19:13

Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 19:17

Tayar ru mapapasau ra ulun ondo' majamol no, sanganu kaau ru sapi' ruandu' malia' ondo' sinolob koson mangampun ra tula, moonsoi alapon. Kaau no musiti' pasubolon ra ralalom rondo' pagangan tana', am lingigin ra timug ondo' inalap intor ra timug ondo' tumilis.

UNTABAN 19:18

Tayar ru baal ondo' kasaa', iono paat mokoondo' ulun matoi giu' ralalom ru kim, sangulun ondo' kalo majamol no musiti' mangalap ra satanggayan Isop am pososopon ginio ra timug no, am patakison boo ginio ra kim am niayuk ngaangai' kuliamos am ra ulun ondo' soroi giu' ralalom ru kim. Tayar ru baal karuo, iono paat sasangulun nangambong ra baangkai, lobong kapoam bungul ru ulun minatoi, sangulun ondo' kalo majamol no musiti' mapatakis ra timug no ra ulun ondo' majamol ra ralan ondo' nogondo' niayuk.

UNTABAN 19:3

Pataakon boo ri Musa am i Arun sapi' no ra Imam Iliajar. Sapi' no musiti' ibiton ra liwar ru pangkiman am simbaluyon ra saang ri Imam Iliajar.

UNTABAN 19:8

Ulun ondo' monolob ra sapi' no musiti' mampupu' ra bayang nano am mariu', kaa' magulayun io majamol saboi tumolop mato ru orou.

UNTABAN 6:12

am manalimbagu ra nazar nano ra Tuhan koson ra ulun Nazir buoi ra ondo' inaru'. Buoi ondo' nakasail no kalo boo untobon sabap ra abuk nano ondo' patimpokon nano nasauk ra majamol. Koson ra taak simbalui koson mambayar ra kalubatan, musiti' ulun no mapataak ra sanginan anak domba ondo' umur no sambilor.

UNTABAN 8:7

ra ralan ragitio: patakison risilo timug koson mamasau risilo, am susubon ilo sukurin ngaangai' inan am mampupu' ra bayang nilo. Koon raginio noyo ilo masauk ra mapasau.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:13

Maya' ra kaulayan ru ugama, ulun majamol impasawin ra takisin ulu nilo ra raraa' ru kambing am raraa' ru sapi' ungkuyon am poyo taukin ra kaau ru sapi' ruandu' mamulok sinimbalui.