UNTABAN 19:3 - Tanou Moonsoi Timugon

³ Pataakon boo ri Musa am i Arun sapi' no ra Imam Iliajar. Sapi' no musiti' ibiton ra liwar ru pangkiman am simbaluyon ra saang ri Imam Iliajar.

UNTABAN 19:3 ပူးပေါင်းရင်းမြစ်များ

IMAMAT 16:27

Sapi' gawayan am kambing ondo' pataakon tayar ru taak simbalui koson mangampun ra tula, am ondo' raraa' no ibiton giu' ra ralalom ru Lamin Matulai Kaga' tayar mamuso ra tula, musiti' ibiton mingkual giu' ra liwar ru pangkiman am solobon. Kungkung, kual am tinai' ru karuruo bibiag no musiti' solobon ngaangai' no.

IMAMAT 24:14

“Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

IMAMAT 4:11

Kaa' musiti' io mangalap ra kungkung ru sapi' no, ngaangai' kual, ulu, paa, kalabuat makaaya' tinai' ru sapi' no,

IMAMAT 4:12

am ibiton boo ngaangai' no giu' ra liwar ru pangkiman. Ra giu' no ngaangai' no musiti' solobon ra rasawat ru luton giu' ra intok pamatiran ra kaau, iono intok ondo' pinatimpok raginio.

IMAMAT 4:21

Kopongo raginio musiti' Tingganai Maayo Imam no magibit ra sapi' no mongoi ra liwar ru pangkiman am solobon no ginio, koson ra io monolob ra sapi' tayar ru taak simbalui koson mangampun ra tula nano galama'. Gitio noyo taak simbalui koson mangampun ra tula ru ngaangai' ulun.

UNTABAN 15:36

Ginio ra ngaangai' ulun nagibit riso giu' ra liwar pangkiman, am pomobol riso saboi matoi, koson ra ondo' nanusuban ru Tuhan.

UNTABAN 19:9

Mopongo raginio sangulun ondo' kalo majamol no musiti' mangumung ra kaau ru sapi' ra raitii' ni am pabantaan ginio giu' ra liwar ru pangkiman, giu' ra rondo' intok ondo' kalo majamol. Buliin kaau no ra giu' no maa' raginio mapakai ru ulun ru Israil ginio koson mampatampos ra timug tayar ru upacara pamasawan. Upacara raginio koson mamuso ra tula.

UNTABAN 3:4

Kaa' minatoi i Nadab am i Abigu giu' ra Tana' kaagisan Sinai paat ilo napataak ra apui ondo' kalo iniou ru Tuhan. Ilo ruo no kolondo' anak. Buoi boo ru bayag ri Arun, nangandoi i Iliajar am i Itamar ra imam.

UNTABAN 5:2

“Susubo' noyo ulun ru Israil mapaingkual ra ngaangai' ulun ragitio intor ra pangkiman: moonong ulun ondo' makamaruol ra kungkung ondo' maaja', kapoam maruol mologo, am niayuk moonong ulun majamol sabap ra nangambong ra baangkai.