UNTABAN 19:20 - Tanou Moonsoi Timugon

²⁰ Osoi ondo' masauk ra majamol kaa' kalo mambaal ra upacara pamasawan ra inan, magulayun majamol sabap ra timug ru upacara pamasawan kalo poyo pinawas riso. Napajamol ulun no ra Kim ru Tuhan am kalo boo karaan ra ulun ri Aki Kapuuno'.

UNTABAN 19:20 ပူးပေါင်းရင်းမြစ်များ

KASAUKAN 17:14

Moonong ungkuyon ondo' kalo sinunatan, kalo masauk io ra ulun Kuno sabap kalo ginagaya' no nabantuan Kuno.”

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

IMAMAT 15:31

Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 17:16

Amon ru kalo pupuin no bayang nano am kalo mariu', musiti' io mansaan ra sonor no.

IMAMAT 22:4

“Osoi ayuk intor ra papag ri Arun ondo' makamaruol ra kungkung ondo' maaja', kapoam makamaruol ra mologo saboi mingkual timug, kalo paakanon io ra atan pana intor ra taak simbalui ondo' palilion ayuk no, ra io kalo poyo potonowon ra mapasau. Sasangulun imam no majamol amon ru mangambong io ra ondo' majamol sabap ra natiu' ra baangkai, kapoam imam no mangingkual ra uwa',

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

UNTABAN 19:13

Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

PINAINTALANG 22:11

Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”