UNTABAN 19:2 - Tanou Moonsoi Timugon

² manaak ra aturan ragitio ra ulun ru Israil. Sanginan sapi' ruandu' ra malia' ondo' kalo najamaran am kalo igondo' pinakai ra mangandoi musiti' pataakon ri Musa am i Arun.

UNTABAN 19:2 ပူးပေါင်းရင်းမြစ်များ

KAINGKUALAN 12:5

Pampilion kau ra sanginan domba kapoam sanginan kambing, kaa' musiti' gawayan bibiag no ondo' umur no sambilor, am ondo' kolondo' maruol nano.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

SULABOI 1:14

“Inalap No ngaangai' tula kuno, am binangkos no nasauk rondo', am pasisigoto' ra liog kuno, saboi bagat nano nampalawo raki'. Pinataak aku ru Tuhan ra pantula' kuno, am kalo maikang aku gumula' risilo.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 14:6

Mangalap io ra susuit sanginan no poyo am pososopon no ralalom ru raraa' ru susuit ondo' sinimbalui no, mabaya' ra tataun sidar, tali malia' am isop no.

UNTABAN 19:1

Nanusub Tuhan ri Musa am i Arun koson

UNTABAN 19:6

Imam no pana musiti' mangalap ra sanganu tataun sidar, satanggayan Isop am rondo' tali malia', am papatiron boo ngaangai' no ra apui ondo' tatanga' monolob ra sapi' malia' no.

UNTABAN 31:21

Indagu Imam Iliajar risilo ondo' bagu minuli' intor ra pangayawan, “Gitio noyo aturan-aturan ondo' tinaakan ru Tuhan ri Musa.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

SAGULION 21:3

Kopongo raginio tingganai-tingganai intor ra bandar ondo' nakainggaar ra intok ru baangkai no natuum musiti' mampili' ra sanginan sapi' mamulok ondo' kalo igondo' pinakai ra mangandoi.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

1 SAMUIL 6:7

Ginio sabap ra panampos kano ra rondo' padati ondo' baguon am ruo ngainan sapi' ondo' tatanga' mapatiti' ra anak, am ondo' kalo igondo' pinakai maparalaat ra padati no. Rukugi' noyo karuruo ngainan sapi' no ra padati no, am uyungo' anak-anak ru sapi' no sumaguli' ra kandang.