UNTABAN 19:13 - Tanou Moonsoi Timugon

¹³ Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 19:13 ပူးပေါင်းရင်းမြစ်များ

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

YEHEZKIEL 44:26

Mopongo imam no mapasau saguli', musiti' io maginaa buoi tulu' ngoorou poyo,

IMAMAT 15:31

Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 20:3

Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

IMAMAT 22:3

Osoi ayuk intor ra papag mino, ondo' mapaat ra majamol, minggaar ra taak-taak simbalui ondo' pataakon ru ulun ru Israil palilion ayuk Raki', kalo boo pongondoyon io giu' ra altar. Aturan ragitio masauk ra sabuoi-buoi no. Aku noyo Tuhan.

IMAMAT 22:4

“Osoi ayuk intor ra papag ri Arun ondo' makamaruol ra kungkung ondo' maaja', kapoam makamaruol ra mologo saboi mingkual timug, kalo paakanon io ra atan pana intor ra taak simbalui ondo' palilion ayuk no, ra io kalo poyo potonowon ra mapasau. Sasangulun imam no majamol amon ru mangambong io ra ondo' majamol sabap ra natiu' ra baangkai, kapoam imam no mangingkual ra uwa',

IMAMAT 5:17

Amon ru osoi ayuk pana ra kalo singonon mambaal ra tula sabap ra manggal rondo' intor ra susuban ru Tuhan, makasala ulun no am musiti' io mansaan ra kinibit no.

IMAMAT 5:3

Amon ru kalo singonon ru sasangulun mangambong ra atan ayuk majamol intor ra ulun, makasala io ra natutunan no ayuk binaal nano.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 7:20

Amon ru mangakan sasangulun ra kual no paat ra io majamol, kalo boo karaan io ra ulun ri Aki Kapuuno'.

IMAMAT 7:21

Paat ra mangambong sasangulun no ra ondo' majamol, am mangakan boo ulun no ra kual ru bibiag ondo' pinataak noyo, kalo boo karaan ulun no ra ulun ri Aki Kapuuno'.

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

UNTABAN 19:14

Paat ra sasangulun matoi giu' ralalom ru rondo' kim, osoi ayuk nokosoroi giu' ra ralalom ru kim no, kapoam osoi ayuk mumpos ra ralalom no masauk ra majamol ra buoi tulu' ngoorou.

UNTABAN 19:18

Tayar ru baal ondo' kasaa', iono paat mokoondo' ulun matoi giu' ralalom ru kim, sangulun ondo' kalo majamol no musiti' mangalap ra satanggayan Isop am pososopon ginio ra timug no, am patakison boo ginio ra kim am niayuk ngaangai' kuliamos am ra ulun ondo' soroi giu' ralalom ru kim. Tayar ru baal karuo, iono paat sasangulun nangambong ra baangkai, lobong kapoam bungul ru ulun minatoi, sangulun ondo' kalo majamol no musiti' mapatakis ra timug no ra ulun ondo' majamol ra ralan ondo' nogondo' niayuk.

UNTABAN 19:19

Ulun ondo' kalo majamol no musiti' mapatakis ra timug no ra ulun ondo' majamol, paat ra orou katalu am ra orou katulu'. Paat ra orou katulu', maampus upacara pamasawan ra ulun majamol no. Ulun no musiti' mampupu' ra bayang nano am mariu'. Intor ra paat tumolop mato ru orou masauk ulun no ra mapasau.

UNTABAN 19:20

Osoi ondo' masauk ra majamol kaa' kalo mambaal ra upacara pamasawan ra inan, magulayun majamol sabap ra timug ru upacara pamasawan kalo poyo pinawas riso. Napajamol ulun no ra Kim ru Tuhan am kalo boo karaan ra ulun ri Aki Kapuuno'.

UNTABAN 19:9

Mopongo raginio sangulun ondo' kalo majamol no musiti' mangumung ra kaau ru sapi' ra raitii' ni am pabantaan ginio giu' ra liwar ru pangkiman, giu' ra rondo' intok ondo' kalo majamol. Buliin kaau no ra giu' no maa' raginio mapakai ru ulun ru Israil ginio koson mampatampos ra timug tayar ru upacara pamasawan. Upacara raginio koson mamuso ra tula.

UNTABAN 8:7

ra ralan ragitio: patakison risilo timug koson mamasau risilo, am susubon ilo sukurin ngaangai' inan am mampupu' ra bayang nilo. Koon raginio noyo ilo masauk ra mapasau.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:11

Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.