UNTABAN 19:11 - Tanou Moonsoi Timugon

¹¹ Osoi ondo' nangambong ra baangkai masauk ra majamol ra buoi tulu' ngoorou.

UNTABAN 19:11 ပူးပေါင်းရင်းမြစ်များ

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

SULABOI 4:14

Tingganai-tingganai ru bandar ru Jirusalim koson ra ulun bolou ondo' minugar ra kangkam-kangkam. Bayang nilo naluitan ru raraa' saboi kolondo' sangulun pana masaga' kumambong risilo.

YEHEZKIEL 39:12

Buoi tulu' ngansila' ulun ru Israil koson mompolobong ra ngaangai' baangkai no maa' raginio pagun raginio kalo boo majamol.

YEHEZKIEL 44:26

Mopongo imam no mapasau saguli', musiti' io maginaa buoi tulu' ngoorou poyo,

IMAMAT 11:31

Sasangulun ondo' mangambong ra bibiag no kapoam baangkai nano, majamol saboi tumolop mato ru orou.

IMAMAT 21:1

Nanusub Tuhan ri Musa mapasaboi ra susuban ti ra imam-imam papag ri Arun, “Sangulun imam kalo mijamol ra inan ra maya' ra upacara pampalabangan ra pabukat nano,

IMAMAT 21:11

Pinatimpok io noyo Raki', ginio ra kalo mijamol io ra inan. Kalo pairuanin riso Kim Kuno am mumpos ra baloi ru mokoondo' ra baangkai, kabalu' pana baangkai no ama' kapoam ina' nano galama'. Mapajamol binaal nano ra Kim Kuno.

IMAMAT 22:4

“Osoi ayuk intor ra papag ri Arun ondo' makamaruol ra kungkung ondo' maaja', kapoam makamaruol ra mologo saboi mingkual timug, kalo paakanon io ra atan pana intor ra taak simbalui ondo' palilion ayuk no, ra io kalo poyo potonowon ra mapasau. Sasangulun imam no majamol amon ru mangambong io ra ondo' majamol sabap ra natiu' ra baangkai, kapoam imam no mangingkual ra uwa',

IMAMAT 5:2

Amon ru kalo singonon ru sasangulun mangambong ra rorondo' ondo' majamol, koson ra baangkai ru bibiag, masauk io ra majamol am makasala ra natutunan no ayuk binaal nano.

AGAI 2:13

Kopongo raginio pangkuot poyo i Agai, “Amon ru mokoondo' ulun ondo' majamol sabap ra nangambong io ra baangkai, kalupus raginio nangambong rondo' intor ra akanon no, majamol kia poyo akanon no?” Taam imam-imam no, “Iou.”

UNTABAN 19:16

Moonong ulun ondo' nangambong ra baangkai ru ulun ondo' pinatoi, kapoam ondo' minatoi ayuk toojo giu' liwar ru baloi, masauk ra majamol ra buoi tulu' ngoorou. Koson niayuk ra ulun ondo' nangambong ra lobong kapoam bungul ru ulun minatoi.

UNTABAN 31:19

Ngaangai' ulun ra popolos min ondo' namatoi noyo ra ulun, kapoam ondo' nangambong noyo ra baangkai moonsoi mayan ra liwar ru pangkiman buoi katuluan. Paat ra orou ra katalu am orou ra katulu', akau musiti' mambaal ra upacara pamasawan ra inan mabaya' ra ngaangai' ruandu' ondo' rinakop min noyo.

UNTABAN 5:2

“Susubo' noyo ulun ru Israil mapaingkual ra ngaangai' ulun ragitio intor ra pangkiman: moonong ulun ondo' makamaruol ra kungkung ondo' maaja', kapoam maruol mologo, am niayuk moonong ulun majamol sabap ra nangambong ra baangkai.

UNTABAN 6:6

Abuk nano tatandu' ra patimpokon no ra inan tayar ri Aki Kapuuno'. Ginio ra kalo jamalin no ra inan ra minggaar ra baangkai, iou pana baangkai ru ama' nano, ina' nano, maayo nano ra ungkuyon kapoam ruandu'.

UNTABAN 9:10

mambala' ra ulun ru Israil, “Paat ra mokoondo' sasangulun ra popolos min kapoam papag min ondo' majamol sabap ra nangambong ra baangkai, kapoam ralalom pangkiralanan ra maalur, kaa' lakat poyo masaga' mangiantak ra Paska,

UNTABAN 9:6

Kaa' mokoondo' kukula' ngaulun risilo ondo' majamol sabap nangambong noyo ra baangkai. Ginio sabap ra ilo kalo nakapangiantak ra Paska paat ra orou raginio. Minongoi ilo tuum ri Musa am i Arun,

RINALATAN 21:26

Io suabon ragili, i Paulus nababaya' ra apat ngaulun i nampaugar ra kaulayan pangimpasawan. Subol ilo boo ra Baloi Tuhan am pambala' ra kula' poyo ngoorou am mopongo pangimpasawan, koson makapanimbalui ilo boo ra taak nilo sigagama'.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.